МҮОХ-ны гишүүдийн хурал нэгдүгээр сарын 25-ны өдрийн 10.00 цагт "Чингис" зочид буудлын хурлын танхимд зохион байгуулж ерөнхийлөгчөө сонгож, төсвөө батлах юм.
Тэгвэл тус хорооны ерөнхийлөгчид нэр дэвших таамагт буй эрхмүүдийг танилцуулъя.
1.Жүгдэрийн Отгонцагаан
Хятад хэлний багш мэргэжилтэй тэрбээр спорт, олимпизмын ахмад зүтгэлтний нэг. Спортын салбарын шинэхэн мэдээлэл , түүхэн амжилтын содон бүхнийг өөрийн фэйсбүүк хуудсаар түмэнд түгээж тамирчид, дасгалжуулагчид, спорт сонирхогчдын дунд “Ото” нэрээр алдаршсан. Энэ эрхэм МҮОХ-ны Ерөнхий нарийн бичгээр ажиллаж байна.
2.Энэбишийн Л.Мөнх-Очир
Тэрбээр Монголын буудлагын холбооны Ерөнхийлөгч юм. Турк улсын Стамбул хотод консулаар ажиллаж байгаад ирсэн тэрбээр МҮОХ-ны ерөнхийлөгчийн сонгуульд өмнө нь нэрээ дэвшиж байжээ.
3.Бадмаанямбуугийн Бат-Эрдэнэ
Хэнтий аймгийн уугуул тэрбээр МУГТ, дархан аварга, Хөдөлмөрийн баатар, УИХ-ын гишүүн, МҮОХ-ны Гүйцэтгэх зөвлөлийн гишүүнээр олон жил ажиллаж буй спорт олимпизмийн туршлагатай, нэр хүндтэй зүтгэлтний нэг юм.
4.Чойжгаваагын Зоригтбаатар
Монголын хөнгөн атлетикийн холбооны Ерөнхийлөгч. Биеийн тамир спортын төрөлжсөн сургалттай дунд сургуулийн захирлаар ажиллахаас гадна нийтийн биеийн тамирыг хөгжүүлэх, спортын сургалт сурталчилгааны чиглэлээр идэвхтэй ажиллаж байгаа нэгэн.
5.Найдангийн Түвшинбаяр МҮОХ-ны ерөнхийлөгчийн таамагт буй эрхмүүд
МҮОХ-ны гишүүдийн хурал нэгдүгээр сарын 25-ны өдрийн 10.00 цагт "Чингис" зочид буудлын хурлын танхимд зохион байгуулж ерөнхийлөгчөө сонгож төсвөө батлах юм.Тэгвэл тус хорооны ерөнхийлөгчөөр сонгогдох магадлалтай эрхмүүдийг танилцуулъя.
6.Доржсүрэнгийн Жаргалсайхан
“Оюутны” хэмээх тодотголтой Д.Жаргалсайхан нь Биеийн тамир, спортын газрын даргын албыг хашиж байсан бөгөөд Оюутны спорт холбооны зэрэгцээ модон бөмбөг, гандболын холбооны үйл ажиллагааг хариуцдаг гэнэ.
7.Чимэддоржын Бат-Эрдэнэ
МҮОХ-ны одоогийн удирдлагын эсрэг тэмцдэг нэгэн.Тэрбээр бадминтон, олс таталт зэрэг спортыг хөгжүүлэхэд гар бие оролцож яваа бөгөөд МҮОХ-ны ерөнхийлөгчийн сонгуульд нэр дэвшиж байжээ.
8.Цэвэгмэдийн Бат-Энх
Монголын Волейболын холбооны Ерөнхий нарийн бичгийн даргаар олон жил ажиллаж энэ спортыг хөгжүүлэхэд үнэтэй хувь нэмэр оруулсан тэрбээр спортын салбарынхандаа зөвлөх үйлчилгээг амжилттай хэрэгжүүлж байгаа гэсэн мэдээлэл байна. Тэрбээр өмнө нь МҮОХ-ны Ерөнхийлөгчид нэр дэвшиж байсан нэгэн.
9.Батболдын Баттүшиг
Тэрбээр МОҮХ-ны тэргүүн дэд ерөнхийлөгч бөгөөд Монголын бадминтоны холбооны ерөнхийлөгчийн албан тушаалыг хашиж байна. Мөн Олон улсын олимпийн хорооны маркетингийн комиссын гишүүнээр сонгогдоод буй бөгөөд АНУ-ын Харвардын их сургуулийг төгсжээ.
Сэтгэгдэл (2)