Цог-Очирын Батцэцэг. Энэ бүсгүй он гарсаар жиү жицү, самбо, жүдо гэсэн бөхийн гурван төрлийн улсын аварга шалгаруулах тэмцээнээс алтан медаль хүртсэн. Гэвч түүнийг олон улсын томоохон тэмцээн уралдаанд оролцуулахгүй байгаад бухимдан Хөдөлмөрийн баатар, гавьяат тамирчин Х.Цагаанбаатар өөрийн фэйсбүүк хуудаснаа ингэж бичжээ. Х.Цагаанбаатар: Энэ хүнийг яагаад тэмцээнд явуулахгүй байна. Улсын аваргаар бүх өрсөлдөгч нараа цэвэр ялсан. Гадаадад тэмцээнд явуулж, арга техникийг нь сайжруулмаар санагдах юм. Хүнийг насаар ялгаварлан гадуурхдаг үзэл сурталаа болимоор юм.

Ядаж Парис Их дуулгад оруулж, дараа нь хамтарсан бэлтгэл хийлгээд харах хэрэгтэй шүү дээ. Үнэхээр бие, сэтгэл, зүрх нь дийлэхгүй бол дараа дараагийн хүнд боломж олгох хэрэгтэй шүү дээ. Юун 63 кг-ын тамирчин. Оны эхэнд баахан хэрэгтэй хэрэггүй хүмүүсийг том том зардал өртөг өндөртөй тэмцээнд явуулчихаад оны сүүлээр, Олимпийн оноо авах чухал тэмцээнд мөнгө байхгүй гээд тамирчдаараа өөрсдөөр нь мөнгө олуулаад тэгсэнээ хувиараа явсан тамирчдаас багшийн мөнгө гээд 20% шагналаа аваад байдаг шүү. Төлөвлөгөөт төсөвөө захиран зарцуулах эдийн засгийн тооцоотой байхгүй бол Олимп дөхсөөр л байна даа.

Б.Жаргал