Мэргэжлийн сүмо бөхийн Хацү башё 13 дахь өдрөө үргэлжилж байна. Энэ өдөр ёкозүна Хакүхо М.Даваажаргал сэкиваке Такакейшод унаснаар (10:3) байдал улам хүнд болж ирлээ. Аварга гурван өдөр дараалан унасан нь энэ бөгөөд үлдэж буй өдрүүдэд озеки нартай барилдах юм. Тэгвэл энэ сард тун чиг өнгөтэй байгаа сэкиваке Тамаваши Б.Мөнх-Оргил маань Хокүтофүжиг өвдөг шороодуулснаар (11:2) ганцаараа тэргүүлж эхлэв. Манай бөхийн хувьд цом өргөх боломж улам нэмэгдэж байна. Түүний араас ёкозүна Хакүхо, сэкиваке Такакейшо нар 10 даваатай ойрхон нэхэж байгаа. Монголын бусад сүмочдын амжилт: Макүүчи зиндаанд: Ичиножо А.Ичинноров 6:7 Чиёошома 5:8 Жүрёо зиндаанд: Дайшохо 6:7 Азүмарү 5:8 Миторюү 5:8 Араваши 6:7 Кёкүшүхо 7:6 Макүшита зиндаанд: Кирибаяма 4:2 Сэйро 3:3 Гочозан 1:6 Кагамио 1:5 Хошорюү 4:2 Сакигакэ 5:2 Кёкүтосэн 4:2 Санданмэ зиндаанд: Ёошояма 4:2 Саданохикари 4:2 Жонокүчи зиндаанд: Рога 7:0 (түрүүлсэн) Дайтэнма 4:2

Б.Жаргал