Улсын аварга тариаланчаар Увс аймгийн Улаангом сумын нэгдүгээр багийн тариаланч Сүрэнгийн Жавзандулам шалгарч, шагналыг УИХ-ын гишүүн, Сангийн сайд Ч.Хүрэлбаатар болон аймгийн удирдлагууд гардуулан өгч хүндэтгэл үзүүллээ. Увс аймгийн Улаангом сумын 1-р багийн иргэн С.Жавзандулам нь 1980-1983 онд Увс аймгийн Хөдөө Аж Ахуйн Техник Мэргэжлийн сургуульд суралцаж жимс, ногоочны хоёрдугаар зэрэгтэй төгссөн бөгөөд суралцах хугацаандаа Зүүнхараагийн УГТЭШ Хүрээлэнгийн харъяа Улаангом дахь жимсний туршлага станцад эрдэм шинжилгээний туслах ажилтнаар ажиллаж байсан юм.
Түүнчлэн 1983-1995 оны хооронд Увс аймгийн Хөдөө аж ахуйн Нэгдэл дундын үйлдвэрт төмс, хүнсний ногоочноор ажлын гараагаа эхэлж 1996- 2002 оны хооронд “Эрдэнэ оргил ” хоршоонд ногоочноор тус тус ажиллаж байжээ. Ингээд 2003 оноос хойш өнөөдрийг хүртэл хувиараа төмс, хүнсний ногоо тариалж тус салбарт тасралтгүй 22 жил ажиллаж байна. Улсад ажиоласан хугацаандаа улсын төлөвлөгөөт нормыг 128-200 хувиар давуулан биелүүлж ирсэн бөгөөд тариалалтад агротехникийг нарийн мөрдөж нэгжээс авах ургацын хэмжээг жил бүр нэмэгдүүлж ирсэн хөдөлмөрч нэгэн юм.
