"Токио-2020" паралимпийн наадмын эрх олгох пара таеквондогийн дэлхийн аварга шалгаруулах тэмцээн өндөрлөж, манай хоёр тамирчин алт, мөнгөн медаль хүртэв. Ингээд таеквондочид Токиогийн олимп, паралимпийн наадамд оролцох Монголын тамирчдын салхийг хагалж байна. Тэмцээний эрэгтэйчүүдийн к44 ангиллын 61 кг-ын жинд Г.Болор-Эрдэнэ алтан медаль хүртэж, Монгол Улсын алтан соёмбот төрийн далбаагаа мандууллаа. Энэ амжилт ДАШТ-ээс авсан түүний дөрөв дэх алтан медаль бөгөөд тивийн аваргаас гурван алтан медальтай юм. Мөн эмэгтэйчүүдийн к44 ангиллын 49 кг-д Х.Энхтуяа мөнгөн медаль хүртсэн бөгөөд тэрээр өнгөрсөн жил дэлхийн аварга болж байв. Энд нэмж хэлэхэд Г.Болор-Эрдэнийн хувьд пара таеквондогийн дэлхийн аваргаас дөрөв дэх алтан медалиа хүртснээр гавьяат тамирчны болзолыг давуулан биелүүлж байна. Манай хоёр тамирчныг гадны мэргэжилтнүүд "Токио-2020"-оос алтан медаль хүртэх тамирчинаар нэрлэж байгаа билээ.
А.Сүх
Сэтгэгдэл (10)