Үндэсний сатистикийн хороо харьцуулан судалжээ. Өрхийн нийгэм, эдийн засгийн судалгаанд сонгогдсон өрхийн 2748 хүнийг түүвэрлэн сонгосон Ардчилсан засаглал" судалгааны 2016-2018 оны үр дүн гарчээ. Судалгаагаар Ерөнхийлөгч, Засгийн газарт тавих иргэдийн дүн буурсан дүн гарсан байна.
Тодруулбал, төрийн эрх барих дээд байгууллагуудад өгсөн иргэдийн үнэлгээг авч үзвэл Ерөнхийлөгчийг үнэлэх үнэлэмж 2016 оныг бодоход 2017 онд өсч байсан бол 2018 онд эргээд буурчээ.
Ерөнхийлөгчид итгэдэг эсэх талаар мэдэхгүй гэж хариулах хүний тоо 2016 онд 6.3%, 2017 онд 8.7%, 2018 онд 7.8% хувь байна. Тэгвэл УИХ-д итгэл хүлээлгэх иргэдийн үнэлгээ мөн л мууджээ.
Тодруулбал, парламентын гишүүдэд итгэдэггүй болон огт итгэдэггүй гэж судалгаанд хамрагдсан иргэдийн 43.1% нь 2016 онд үнэлж байсан нь 2017 онд 35.1% болж бага зэрэг сайжирсан бол 2018 онд 58.5% болж эргээд доошилжээ.
УИХ-д итгэл хүлээлгэж байгаа иргэдийн үнэлгээ, дүнд эзлэх хувиар, 2016-2018 он Тэгвэл Засгийн газарт иргэд хэрхэн үнэлэлт өгч буйг доорх зураг харуулж байна.
Засгийн газарт итгэл хүлээлгэж байгаа иргэдийн үнэлгээ, дүнд эзлэх хувиар, 2016-2018 он Засгийн газарт итгэл мөн Ерөнхийлөгчийнхтэй адил 2017 онд өмнөх оноо бодоход сайжирч байсан бол 2018 онд эрс муудсан байна.
Гүйцэтгэх засаглалд итгэдэггүй гэсэн үнэлэлт 2016 онд 42.6%-тай байсан бол 2017 онд 32.8% болж сайжирчээ. Харин 2018 оны хувьд судалгаанд оролцсон иргэдийн тал хувь нь итгэхгүй байгаагаа илэрхийлсэн байна. УИХ 2008 оны 13 дугаар тогтоолд Мянганы хөгжлийн зорилтуудын хэрэгжилтийг хянах үзүүлэлт, арга зүйг боловсронгуй болгох, хэрэгжилтийг үзүүлэлт бүрээр дүгнэх, хяналт тавих, төрөлжсөн болон тусгайлсан мэдээллийн санг улсын хэмжээнд бий болгохыг Засгийн газар, Үндэсний статистикийн хороо, Авлигатай тэмцэх газар, Төрийн албаны зөвлөл, Хүний эрхийн үндэсний комисст тухайн үед үүрэг болгосон байдаг.
Мянганы хөгжлийн зорилтын 9 дүгээр зорилгын гурван шалгуур үзүүлэлт нь олон нийтийн үнэлгээний үзүүлэлт бөгөөд уг үзүүлэлтүүдийг олон улсын туршлага, санаачилгыг харгалзан Үндэсний статистикийн хороо “Өрхийн нийгэм, эдийн засгийн судалгаа"-ны хавсралт /модуль/ судалгаагаар 2008 оноос цуглуулах болсон. Харин 2018 онд "Ардчилсан засаглал судалгаа"-ны асуулгыг "Тогтвортой хөгжлийн зорилт"-ын шалгуур үзүүлэлтүүдээр баяжуулан шинэчилж, мэдээлэл цуглуулалтад ашиглаж байгаа аж.
Г.Нацаг
Сэтгэгдэл (4)