Жюү жицүгийн насанд хүрэгчдийн Ази тивийн аварга шалгаруулах тэмцээн өчигдөр нээлтээ хийсэн билээ. Уг тэмцээнд 24 орны 400 гаруй тамирчид оролцож, шилдгүүдээ тодруулж эхлээд буй. Тэдний дундаас 2016 онд 49 кг-ын жинд дэлхийн аварга цолыг хүртэж байсан Казахстаны тамирчин Молдир Мекенбаева тэмцээний бүрэлдэхүүнд багтсан нь олны анхаарлыг зүй ёсоор татаад буй. Тэрбээр өнөөдөр өглөө Монголд ирсэн бөгөөд энэ үеэр Монголд анх удаагаа ирж буй сэтгэгдлээ хуваалцсан юм. Энэ талаараа "Жюү жицүгийн тэмцээнд оролцохоор Монголд ирсэндээ маш их баяртай байна. Маш их өрсөлдөөнийг давж байж танай улсад ирлээ. Онгоцонд таарсан хүмүүсээс эхлээд сайхан сэтгэгдэл төрүүлсэн" гэсэн юм.
Тамирчин Молдир Мекенбаева жюү жицүгээр хичээллэхэд түүний хүргэн ахын нөлөө их байсан талаар http://ztb.kz/-д өгсөн ярилцлагадаа дурдсан байдаг. Уг ярилцлагадаа багадаа загвар өмсөгч болох хүсэлтэй байсан гээд магадгүй ирээдүйд жүжигчин болохыг үгүйсгэхгүй хэмээсэн юм. Одоогийн байдлаар телевизийн хэд хэдэн кинонд туслах дүр бүтээсэн юм байна. Энэ удаагийн тэмцээнд бэлтгэлээ бүрэн базаасан бөгөөд бусад орны тамирчидтай эн тэнцүү хүч үзнэ гэдэгтээ итгэлтэй байгаа гэдгээ мөн илэрхийлсэн юм.
Сэтгэгдэл (2)