Өнөө жил Хөвсгөл аймагт (Хотгойд), Өмнөговьд (Говь-Шанх), Говьсүмбэрт (Боржигон), Баян-Өлгийд (Алтай таванбогд), Дорнодод (Зүүн бүс-2019), Баянхонгорт (Ламын гэгээн-2019) хурдан морины даншиг наадам болж өндөрлөлөө.

Даншиг наадмуудын бөхийн барилдаанд хэн түрүүлж үзүүрлэснийг хүргэе. Хөвсгөл аймагт болсон даншигт Улсын арслан Ц.Содномдорж түрүүлж, заан Б.Батмөнх үзүүрлэв. Өмнөговьд улсын начин Ц.Одбаяр түрүүлж, аварга Ч.Санжаадамба үзүүрлэжээ.

Говьсүмбэрт улсын арслан Д.Азжаргал түрүүлж, начин Э.Даш үзүүрлэсэн байна.

Дорнодод аймгийн харцага Г.Эрхэмбаяр, аймгийн харцага Э.Батжаргал нар түрүү булаалдав.

Харин Баян-Өлгийд улсын харцага О.Хангай түрүүлсэн бол үзүүрт аймгийн арслан Н.Мустафа шалгарчээ.

Баянхонгорт улсын харцага Н.Золбоо түрүүлж, аймгийн арслан н.Бат-Орших үзүүрлэлээ.

Б.Жаргал