Жүдо бөхийн дэлхийн чансаа олгох "Hong Kong Asia Open-2019" тэмцээн өнөөдөр эхэллээ.

Тэмцээнд 32 орны 188 тамирчин оролцож байгаа бол манайхаас 21 жүдоч өрсөлдөж байна. Тэмцээний эхний өдөр эрэгтэйчүүдийн 66 кг-ын жинд Б.Эрхэмбаяр, эмэгтэйчүүдийн 48 кг-д Г.Наранцэцэг нар алтан медаль хүртэж төрийн дуулалаа эгшиглүүлэв. Харин 66 кг-д Н.Мөнхбаяр мөнгөн медаль хүртсэн бол эмэгтэйчүүдийн 48 кг-д Г.Бүрнээбаяр, 52 кг-д Э.Бадамгарав, 57 кг-д Б.Алтанцэцэг, 63 кг-д Б.Мөнгөнчимэг, эрэгтэйчүүдийн 60 кг-д Ж.Амарболд, 73 кг-д Г.Болор-Очир нар хүрэл медаль хүртлээ.

Монголын жүдочид эхний өдөр есөн медаль хүртсэн амжилтаар тэмцээнийг тэргүүлж байгаа бол БНСУ, Казахстаны баг удаалж байгаа юм. Сонирхолтой нь жүдог үндэслэгч Японы цагаан өмсгөлтнүүд эхний өдөр ганц ч хүрэл медаль хүртсэнгүй.

Б.Жаргал