Монголын нэг сайд БНСУ-ын Сөүл хотын элитүүдийн дүүрэг болох Каннам дүүрэгт гурван орон сууц эзэмшдэг тухай тус улсын эдийн засгийн чиглэлээр мэдээ нийтлэл бэлтгэдэг “The Korea Economic Daily” сонины “Hankyung.com” сайтын нийтлэлд дурджээ.
Нийтлэлд Хятадын зарим төрийн өндөр албан тушаалтнууд тус дүүрэгт хэд хэдэн орон сууц худалдаж авсан байна. Мөн Монголын нэг сайд гурван орон сууц эзэмшдэг тухай эх сурвалжийн яриаг дурджээ.
Каннам дүүргийн орон сууцнууд цар тахлын үед ч үнэ нь буурахгүй байгаа нь эрэлт нь нийлүүлэлтээс их байгаатай холбоотой гэнэ. Каннам дүүргийн орон сууцнууд нь Нью-Йорк, Лондон, Хонгконг, Сингапуртай адил ямар ч үед үнэ цэнээ алдахгүй, дэлхийн хамгийн аюулгүй газрын нэгт тооцогддог юм байна.
Ийнхүү БНСУ-ын элитүүдийн дүүрэг гэгддэг Каннамд Монголын сайд гурван орон сууц эзэмшдэг тухай тус улсын сайтад нийтлэгдсэнээр тэрхүү албан тушаалтан нь хэн бэ? гэсэн асуултыг дагуулж эхлээд байна.
С.Сүлд
Сэтгэгдэл (18)