Энэ оны хамгийн сүүлчийн үндэсний бөхийн барилдаан, Үндэсний тусгаар тогтонолоо сэргээн мандуулсны 112 жилийн ойд зориулсан "Ерөнхийлөгчийн цом"-ын тэмцээн энэ сарын 29-нд "Монгол бөхийн өргөө"-нд болно. Тус барилдаанд бүтэн жилийн амжилтаараа шалгарсан шилдэг 128 бөх барилддаг уламжлал тогтоод 12 жил өнгөрчээ. Уг барилдаанд Улсын аварга С.Мөнхбат, Улсын заан Б.Пүрэвсайхан, Улсын заан Б.Бат-Өлзий нар тус тус хоёр түрүүлж байлаа.

Тэгвэл бид та бүхэнд тус барилдааны өнгөрсөн жилүүдийн түрүү бөхчүүдийн мэдээллийг хүргэж байна. 

2011 он: Увс аймгийн Баруунтуруун сумын харьяат бөх, улсын аварга С.Мөнхбат

2012 он: Булган аймгийн Бүрэгхангай сумын харьяат бөх, улсын заан М.Өсөхбаяр

 

2013 он: Ховд аймгийн Чандмань сумын харьяат бөх, улсын заан Б.Пүрэвсайхан

2014 он: Увс аймгийн Баруунтуруун сумын харьяат бөх, улсын аварга С.Мөнхбат

2015 он: Ховд аймгийн Чандмань сумын харьяат бөх, улсын заан Б.Пүрэвсайхан

 

2016 он: Архангай аймгийн Эрдэнэбулган сумын харьяат бөх, улсын арслан Р.Пүрэвдагва

 

2017 он: Увс аймгийн Тэс сумын харьяат бөх, улсын харцага Т.Баасанхүү

 

2018 он: Ховд аймгийн Буянт сумын харьяат бөх, улсын харцага О.Хангай

2019 он: Ховд аймгийн Зэрэг сумын харьяат, улсын харцага Б.Бат-Өлзий

2020 он: Цар тахлын улмаас өнжсөн.

2021 он: Ховд аймгийн Зэрэг сумын харьяат, улсын харцага Б.Бат-Өлзий 

2023 он: Сэлэнгэ аймгийн Цагааннуур сумын харьяат, улсын арслан Б.Орхонбаяр

Харин өнөө жилийн барилдаанд бөх сонирхогчдын зүгээс Улсын аварга О.Хангай, Улсын гарди Ц.Бямба-Отгон, Улсын заан Б.Бат-Өлзий, Б.Пүрэвсайхан нарын бөхчүүдийн аль нэгийг түрүүлнэ хэмээгээд буй. 

Л.Сайнаа