Эрт дээр үед ихрүүд төрөхөд ихэд билэгшээн, хошуу нутгаараа хөл хөөрцөг болдог байсан. Одоо ч гэсэн  ихрүүдийг улс орон болгон бодлогоороо дэмждэг. Манай улсад ихэрлэх удам ховор цөөн байдаг. Гэвч  урлагийнхан, алдартай улс төрчдийн гэр бүлд цөөнгүй ихрүүд байдаг. Энэ удаад өхөөрдөм ихрүүдтэй олны танил гэр бүлийн тухай танилцуулж  байна.

“Камертон”-ы Эба ихэр хүүхэдтэй. Эхнэр нь угаасаа Болдын эхнэртэй ихэр. Тиймээс ч ихрийн удамтай  гэр бүл байх. Эбагийн гэргий Ж.Бямбажавыг ахмад циркчин Д. Жанчивдоржийн охин гэдгийг хүмүүс мэднэ. Аавынхаа мэргэжлийг өвөлж, нэг хэсэг циркийн урлаг хөөсөн ч айлын бэр болсноосоо хойш зөвхөн гэр бүлдээ анхааралаа хандуулах болсон юм. 

    Мижинсорын хоёр ихэр
Урлагийн тайзнаас холдоод удах болсон дуучин Минжинсор алс холын Америкт бэрлэж, Грект ихэр охин төрүүлсэн. Анх “Спайк” хамтлагийн нэрээр олонд танигдсан дуучин Минжинсор хилийн дээс алхаад удаж байгаа.  Түүний хоёр охиныг Викториа, Жессика гэдэг аж. Ээж, аавынхаа гадаад төрхөөс биедээ тэнцүүхэн шингээсэн ихрүүд Бруклин дэх хөршүүдийнхээ хайр, өхөөрдлийг булаасан эгдүүтэй охид болжээ. Сонирхолтой нь охидыг ижилхэн хувцас өмсчихөөр нь ээж нь хүртэл ялгахгүй  будилах тохиолдол олон гардаг гэнэ шүү. Минжээ эхнэр, эх хүний амьдралдаа үнэхээр сэтгэл хангалуун байгаа болохоор ажилдаа тэгтлээ анхаарахаа больсон гэнэ.
    “Ажнай”-гаар овоглодог УИХ-ын гишүүн Д.Бат-Эрдэнийнх ихрүүдтэй. Эрхэм гишүүний эхнэр Соёлын төв өргөөний захирал хатагтай Байгалийн охин залуухан сайхан бүсгүй байдаг. “Ажнай” корпорацийн захирлын алба хашдаг тэрээр нэгэн үе компанийнхаа татварыг нуусан хэргээр шүүх цагдаад дуудагдаж багагүй хэрэг мандсан. Гэвч эрх мэдэлтэй, мөнгөтэй хүний эхнэр болсон хойно ял зэмгүй тэгэсгээд өнгөрсөн билээ. Гэсэн ч хөөрхөн ихрүүдтэй энэ гэр бүлд сайн сайхныг хүсэх нь зүйтэй болов уу.

    Дуучин Эгшиглэнгийн ихэр дүүс
Өнгөрсөн жилийн “Universe best songs” 2009 наадмын дөрөвдүгээр шатнаас өөрсдийн мунхагхан хариулт болох  “Хонхны баяр”-аа тэмдэглээд дуугаа сайн бэлдэж чадсангүй ээ гэсэн хариултаас болж шүүгчдээс арайл бардаад байна уу? даа хэмээн дүгнүүлж  хасагдсан дуучин Эгшиглэнгийн ихэр дүү нар болох Т. Анударь, Т. Анужин хоёр энэ жил дахин уг уралдаанд оролцсон. Гэр бүлээс гурвуулаа дуулах авъяастай төрсөн тэднийг аав Төмөрбаатар нь нэлээдгүй урлагт дэмжиж, тусалдаг гэнэ лээ. Дашрамд хэлэхэд дуучин Эгшиглэнгийн хоёр дүү энэ жилдээ багтаж эгчтэйгээ хамтарсан нэгэн өвөрмөц дууг гаргахаа амласан.

УИХ-ын гишүүн С.Бямбацогтынх гэдэг айл ихэр хүүхдүүдтэй
УИХ-ын гишүүн С.Бямбацогтын 1997 оноос эхнэртэйгээ хамт СЭЗДС-д суралцаж байгаад гэрлэсэн. Түүний хань С.Бямбацогтод удам залгах гурван хүү төрүүлж өгсөний хага хоёр нь ихэр юм. Ихрүүдийг 2010 оны дөрөвдүгээр сард төрсөн. Б.Содбилэг, Б.Одбилэг гэдэг.

УИХ-ын гишүүн Э.Мөнх-Очир ихэр хүүхэдтэй
Үүний дараахан УИХ-ын гишүүн Э.Мөнх-Очир ихэр хүүхэдтэй болсон. Ихэр хүүхэдтэй хосууд маань анх Турк улсад танилцжээ. Түүний гэргий Амаржаргал нь Солонгост амаржсан юм. Гишүүн өмнө нь 14 настай ганц хүүтэй байсан бол ийн өнөр гэр бүлтэй болсон юм.

    Дуучин Quiza Амар, Амира гэх ихрүүдтэй
Дуучин Quiza буюу түүний эхнэр Батцэнгэл хоёрын бяцхан ихэр үрс хүү, охин бөгөөд Амар, Амира гэсэн нэр хайрлажээ. Монголын рок, поп урлагийн өвөрмөц дүр төрх яах аргагүй мөн гэгддэг ноён Quiza өнөр бүлийн эзэн болсон юм. Тэднийх ихэрүүдээс гадна Сийлэн, Уян гэх хоёр охинтой бөгөөд ийнхүү дөрвөн хөөрхөн хүүхэдтэй юм.
Х.Баттулга сайд орос эхнэрээ хэзээ ч ил гаргаж байсангүй, бас ямар ч арга хэмжээнд дагуулж ирдэггүй. Одоогоос дөрвөн жипийн өмнө Төрийн золголтод тэрбээр өөрийнхөө анхны эхнэр Энхтуяа дагуулж ирж байлаа. Анжелика хэмээх энэ орос бүсгүй Х.Баттулга сайдад дөрвөн хүү төрүүлж өгсөн. Дундах хоёр хүү нь ихэр. Ээжтэйгээ оросоор, аавтайгаа монголоор ярьдаг энэ дэрсхэн дөрвөн хүүдээ Х.Баттулга сайд амь шигээ хайртай.  Сонирхуулахад Жэки Чаныг уржинан жил Монголд ирэхэд Х.Баттулга нууцлагдмал ихэр хүүхдүүдээ олны өмнө гаргаж байсан.

    Ц.Ундрах хэмээх эгэлхэн бүсгүй бол ЭХЭМҮТ-ийн Хүүхдийн сэргээн засах эмчилгээний тасгийн хөдөлгөөнт дасгалын сувилагчаар ажилладаг.  Тэрбээр зургаан хүүхдийн ээж. Хоёр том нь 2003 оны гуравдугаар сарын 18-нд төрсөн Цэцлэн, Цэцэглэн гэдэг нэртэй. Удаах хүү, охин хоёр нь 2006 оны зургаадугаар сарын 7-нд төрсөн. Хоёр бага нь бас хүү, охин. Тэд 2008 оны арванхоёрдугаар сарын 6-нд төрсөн.  Дөрвөн бага нь 69 дүгээр цэцэрлэгт хүмүүждэг. Ийм л нэг тэрсхэн өсөж байгаа хүүхдүүдтэй айл.  Энэ айлын эхнэр, нөхөр аль аль нь ихрийн удамтай хүмүүс аж.