Дэлхийн жүдогийн холбооны энэ оны отгон тэмцээн Токиогийн Их дуулга ирэх 12 дугаар 02-03-ны өдрүүдэд зохион байгуулагдах гэж байна. Тэмцээнд дэлхийн 88 орны 320 нь эрэгтэй 217 нь эмэгтэй жүдоч оролцохоор мэдүүлгээ өгчээ. Их дуулгыг угтаж бид танд онцлох жингийн шилдэг тамирчдын жагсаалтыг танилцуулж байна.
1. Азербайжан - Хейдаров Хидаят
Тэрбээр дэлхийн чансааг 5638 оноотойгоор тэргүүлж байна. Тэр энэ оны 11 дүгээр сард болсон Европын аварга шалгаруулах тэмцээн, есдүгээр сард болсон Бакугийн Их дуулга тэмцээнүүдэд аваргалсан. Мөн энэ оны ДАШТ-д шагналт тавдугаар байр, Анталиягийн Их дуулгад гуравдугаар байр оржээ.
2. Узбекстан - Юлдошев Муроджон
Тэрбээр дэлхийн чансааны 5598 оноотойгоор хоёрдугаар байрт бичигдэж байна. Муроджон энэ оны ДАШТ-ээс хүрэл медаль хүртэж, Азийн наадам болон Ташкентийн Их дуулга тэмцээнд аваргалсан.
3. Япон - Хашимото Соичи
Тэрбээр 5340 оноотойгоор дэлхийн чансааны гуравдугаар байр бичигдэж байна. Хашимото энэ онд ДАШТ-ээс хүрэл медаль хүртэж, Азийн наадмаас мөнгө, Унгарын Мастерст аваргалсан. Тэрбээр мөн өнгөрсөн оны Токиогийн Их дуулгын аварга билээ.
4. Гүрж - Шавдатуашвили Лаша
Тэр 5028 оноотойгоор дэлхийн чансааны тавдугаар байрт бичигдэж буй. Тэрбээр энэ оны эхээр Тбилисийн Их дуулгаас хүрэл медаль хүртсэн. Наймдугаар сард Унгарын Мастерсаас мөн хүрэл медаль хүртэв. Мөн Евродын АШТ-ы шагналт тавдугаар байрт шалгарсан юм.
5. Итали - Ломбардо Мануэль
Ломбардо 4336 оноотойгоор дэлхийн чансааны наймдугаар байрт бичигдэж байгаа. Тэрбээр энэ оны эхэнд Анталиягийн Их дуулга тэмцээнд аваргалж, ДАШТ-ээс мөнгөн медаль хүртсэн амжилтаараа чансаа ахисан.
6. Молдав - Пеливан Петру
Тэр 4095 оноогоор дэлхийн чансааны есдүгээр байрт буй. Түүний хувьд ЕАШТ, Унгарын Мастерс, Австрийн Гранпригаас хүрэл медаль хүртсэн. Мөн Бакугийн Их дуулга тэмцээнд хоёрдугаар байрт орсон амжилтыг үзүүлээд байна.
7. Укбекстан - Номанов Обидхон
Дэлхийн чансааны 10 дугаар байрт бичигдэж буй тэрбээр энэ онд Португалын Гранпри тэмцээнээс алтан медаль зүүсэн. Дараагаар болсон Тбилисийн Их дуулга тэмцээнээс мөнгөн медаль хүртээд байна. Мөн ДАШТ-д долдугаар байрт шалгарчээ.
8. Канад - Маргелидон Артур
Дэлхийн чансааны 11 дүгээр байрт бичигдэж буй тэрбээр энэ оны ДАШТ-ий шагналт тавдугаар байрт орсон. Мөн Тель-Авив, Парисын Их дуулгын шагналт байрт шалгарсан юм.
9. Монгол - Цэнд-Очир Цогтбаатар
МУГТ Ц.Цогтбаатар энэ жил амжилт тааруу байгаа. Тэрбээр дэлхийн чансаанд 12 дугаар байрт бичигдэж буй. Өнгөрсөн онд болсон насанд хүрэгчдийн ДАШТ-д түрүүлснээсээ хойш тэр Азийн наадмаас хүрэл, Анталиягийн Их дуулгаас мөнгөн медаль хүртэж, Тель-Авивын Их дуулгын шагналт тавдугаар байрт шалгараад байна.
10. МАХМАДБЕКОВ МАХМАДБЕК
Дэлхийн чансааны 13 дугаар байрт бичигдэж буй тэрбээр энэ онд Душанбе Гран При, Казахстан Барисы Их дуулга тэмцээнүүдэд аваргалсан. Улмаар Бакугийн Их дуулга, Абу Дабигийн Их дуулга тэмцээнүүдээс хүрэл медаль хүртээд байна.
Л.Сайнаа
