24tsag.mn-ийн
"Facelook" "Номинталст" хамтлагийн дуучин А.Хаянхярваагийн фото түүхээр
үргэлжилж байна. Дуулахаас гадна зурах авъяастай, гольфийн тэмцээний түрүүг авч чаддаг Хаянаагийн фото түүхийг сөхөе.
17 настай Хаянаа: 15 жилийн өмнөх "Номинталст" хамтлагийн гишүүд. Энэ үед хамтлаг дөнгөж байгуулагдаж байлаа. Мөн ч жаахан байж дээ.
Өөрчлөлт: Дээрх зурган хөвгүүд хэрхэн өөрчлөгдсөн байна вэ? Одоо дөрвүүлээ гэрийн эзэн, сайн аав, халамжит хань болсон. "Номинталст" Монголын хамгийн олон фэнтэй хамтлагуудын нэг болж чаджээ.
Бөөгнөрөл: Багтсан л байгаа юм даа. Харин одоо багтах болов уу.
Хүүхнүүдийн дурлалт залуу: "Номинталст" хамтлаг эд нэрд гарч байсан үе. Хаянаагийн урт шар үс түүнд зохисон гэж жигтэйхэн.
Олны таашаал хүртсэн дуучин: "UBS video music award"-аас олны таашаалыг хүртсэн дуучин шагналыг авч байв.
Шагнал: "Номинталст" хамтлаг байгуулагдаад дөнгөж нэг жилийн дараа
Монголын Рок, Поп урлагийн Дээд шагнал гардуулах “Пентатоник” наадмаас
шилдэг Дебют хамтлаг 1998 он, шилдэг цомог(поп) 2000 он, шилдэг Поп
хамтлаг 2002 он, шилдэг Поп дуу 2003 он, Монголын Рок, Поп урлагийн
Алтан микрофон наадмаас шилдэг уран бүтээл 2000 он, олны таашаал
номинацийн шагналыг 3 жил дараалан авсан амжилттай. Шилдэг уран бүтээл,
видео клип шалгаруулах UBS Music Video Awards наадмаас 8 шагнал авсан.
Хайрт гэргий: Насан багийн үерхэл амьдрал болсон түүх. А.Хаянаа Урнаа хоёр нэг хүү, нэг охинтой.
Ховор зураг: Гибралтарт эхнэртэйгээ
Хүүхдүүд: Одоогоос таван жилийн өмнө. Хос гинж, хоёр хүүхэд нь түүний гангараа.
Охин: "Номинталст"
хамтлагийн 15 жилийн ойн баярын тоглолтын зураг. Тус тоглолтон дээр
Танхилуун аавынхаа хамтаар "Зүүдний учрал" дууг дуулж сонирхууллаа.
Хаянаагийн охин аав шигээ эвлэгхэн дуулдаг юм байна лээ.
Гэр бүл: Харин энэ түүний аз жаргалтай гэр бүл.
Зурах авьяас: Дуулахаас гадна зурах авьяастай. Хаянаагийн зурсан анхны уран бүтээл. Энэ зураг одоо шог зураач Цогтбаярт хадгалагдаж байгаа аж.
I like Golf: Бас гольф тоглох дуртай.
Хамгийн хамгийн: Хүн дуртай зүйлдээ амжилт гаргадаг гэдэг дээ. Түүний гольфийн тэмцээнд түрүүлээд авсан цомнуудаас хамгийн гоё, хамгийн том нь
Азын дугаартай төмөр хүлгүүд: Хаянаагийн “Hammer”, “Lexus” хоёр нь хоёулаа 8888 гэсэн алтан дугаартай. Нэг дугаар нь л багаар бодоход таван саяын үнэд хүрнэ гэж үзвэл нийлээд 10 сая төгрөгийн үнэтэй дугаартай машин унадаг болов.
Олон талын сонирхол: Дугуйн аялал УБ-Sky resort. Урлагийн хүн гэхэд спортын арга хэмжээнд маш идэвхтэй оролцдог.
Хөөрөг зөрүүлэх мөч: Өнгөрсөн зуны наадмаар. Төрийн соёрхолт дуучин Д.Болдын хамтаар. Нэг үеийн хоёр дуучинд дээл зохисон гэж ванлий.
Бас нэг сонирхол: Нисдэг тэрэг бас л түүний сонирхол.
Твиттерчид: Монголын номер нэг "жиргээчид". Хамгийн наана "Хас"-ын Ч.Ганхуяг байна. Хоёулаа нэг намын идэвхтэн гишүүд.
Самкат: 90-ээд оны хүүхдүүдийн тоглох дуртай тоглоом. Хаянаа бага насаа дурсжээ.
Шинэ: "Бид" дууны шинэ клипний зураг авалтаар "Шинэ үе"-ийнхэнтэй.
Дуулах дуртай хүү дуулж амжилт гаргасан. Мөн Монголын анхны хөвгүүдийн хамтлагт орж амжилт, нэр хүнд гээд бүгдийг олж чаджээ.
Бахархал: Д.Дагвадорж бол түүний бахархал. Нэг нь урлагийн нэг нь спортын тавцанаас бууж буйгаараа адилхан түүхтэй болж байх шив.
Сонгуульт ажил: Түүнийг МАН-аас ирэх ИТХ-д нэр дэвших гэж байгаа аж. 2004 онд МАН-д элсэж, улмаар МАН-ын дэргэдэх МАСЗХ-ны Ерөнхийлөгчийн урлаг соёлын зөвлөхөөр, 2006 оноос Удирдах Зөвлөлийн гишүүн, 2007 оноос Бодлогын зөвлөлийн гишүүнээр ажиллаж байгаа.
Т.Хулан
Сэтгэгдэл (45)