Сакраменто Кингс багийн тоглогч Киган Мюррей 12 удаа 3 онооны шидэлт хийж, NBA-ын түүхэн дээд амжилтыг 11 удаа дараалан холын зайн шидэлт амжилттай болгосон түүхээрээ дархлав. Өнгөрсөн бямба гарагт болсон Сакраменто Кингс 125:104-өөр Юта Жазз хожсон тоглолтод тэрбээр мөн карьерынхаа дээд амжилт 47 оноог авчээ.
Мюррей гуравдугаар үед 26 оноо авч,13 довтолгооныхоо 12-ыг амжилттай хийсэн юм. "Би Киганыг зөв тоглож байна гэж бодсон. Бид түүнийг тэгж тогло гэж албадаагүй. Тэр хийдэг зүйлээ л хийсэн" гэж Кингсийн дасгалжуулагч Майк Браун хэлэв.
Сакраментогийн довтлогч Домантас Сабонис 20 оноо, 10 самбар, 8 оновчтой дамжуулалт өгснөөр энэ улиралд долоо дахь дараалсан дабл-даблаа гүйцэтгэлээ. Хаадууд 3 онооны шугамнаас 45 шидсэний 22 нь оновчтой болж, Сакраменто энэ улиралд гурав дахь удаагаа 20-оос доошгүй удаа амжилттай шидэв. Харин Жазз багаас Коллин Секстон 28 оноо, Лаури Маркканен 18 оноо авчээ.
Киган Мюррей гэж хэн бэ?
Тэрбээр 2000 оны наймдугаар сарын 19-нд АНУ-ын Айова мужийн Сидар Рапидс хотод мэндэлсэн. Түүний өндөр 203 см, жин нь 102 кг. Өнгөрсөн оны NBA-ийн драфтын нэгдүгээр тойргийн дөрөвдүгээр сонголтоор одоогийн багтаа ирсэн.
Тэрбээр өнгөрсөн оны долдугаар сарын 02-нд Голден Стэйт Уарриорсын эсрэг анхны тоглолтоо хийж, 26 оноо, 8 самбар авч, 86-68-аар багаа хожиход тус хүргэсэн. Мюррей NBA-ийн зуны лигийн MVP-ээр 23 оноо, долоон самбар, хоёр дунджилсан. Мөн бүх NBA-ийн зуны лигийн нэгдүгээр багт сонгогдсон. 10 дугаар сарын 22-нд Мюррей ээлжит улирлын анхны тоглолтоо хийж, 19 оноо авч, таван самбар, хоёр хаалт 111–109-ийн харьцаагаар Лос Анжелес Клипперс-д хожигдсон юм.
Мюррейгийн аав Кенён Айовад коллежийн сагсан бөмбөг тоглодог байсан. Мюррей ч бас 2020-2022 онуудад тэнд тоглосон. Мюррей болон түүний ихэр ах Крис нар ахлах сургууль болон коллежийн бүх хугацаанд багийн найзууд байсан. Крис 2023 оны драфтын эхний тойргийн сүүлчийн сонголтоор сонгогдож, одоо Портланд Трэйл Блэйзерс багт хүчин зүтгэж байна.
Л.Сайнаа
