Өнгөрөгч бямба гарагт оны анхны барилдаан Сумын заан цолтой болон залуу бөхчүүдийн барилдаанаар эхэлж, үүнтэй залган ням гарагт  Баянхонгор аймгийн Баянбулаг сумын харьяат, Аймгийн арслан Цэдэн-Ишийн Шийрэвийн нэрэмжит, Баянбулаг сумын 100 жилийн ойд зориулсан аймаг, цэргийн цолтой 256 бөхийн барилдаан "Монгол бөхийн өргөө"-нд боллоо. Уг барилдаанд Архангай аймгийн Хотонт сумын харьяат, Аймгийн начин, жүдо бөхийн ОУХМ Б.Гончигсүрэн найм даван түрүүлж, Архангай аймгийн Тариат сумын харьяат Цэргийн заан Ө.Батсуурь долоо даван үзүүрлэв. 

Ингэснээр тэр Аймаг, цэргийн цолтны барилдаанд анх удаагаа түрүүлж, Аймгийн начин цолтой уг шатны барилдаанд түрүүлсэн хоёр дахь бөх болж байна. Түүнээс өмнө Архангай аймгийн Хашаат сумын харьяат, Улсын аварга Ч.Санжаадамба 2007 онд Аймгийн начин цолтой түрүүлж байжээ. 

Тэгвэл бид уншигч та бүхэнд Батхуягийн Гончигсүрэнгийн тухай онцолж байна. 

Б.Гончигсүрэн 1999 оны наймдугаар сарын 25-нд бөхийн өлгийн нутаг Архангай аймгийн Хотонт суманд мэндэлжээ. 

Тэрбээр "Монгол бөхийн өргөө"-нд зохион байгуулагдсан Сумын заан болон цолгүй залуу бөхчүүдийн барилдаанд ГУРВАН удаа түрүүлсэн амжилтыг өнгөрсөн онд үзүүлсэн. Үүнээс сумын заануудын барилдаанд, нэг нь цолгүй залуу бөхчүүдийн барилдаанд түрүүлсэн амжилт юм. Эхний түрүүгээ тэрбээр 102 дахь удаагийн сумын заануудын барилдаанд хүртсэн бол сүүлийнхийг өнгөрсөн оны гуравдугаар сард хүртсэн. Тэрбээр Монголын үндэсний холбооны сар шинийн цуврал барилдааны цолгүй залуу бөхчүүдийн барилдаанд түрүүлсэн юм. Түүнийг 2023 онд Аймгийн арслан цолонд хүрнэ гэж бөхийн хорхойтнууд хүлээж байсан ч Говьсүмбэр аймгийн баяр наадамд тав давж, Аймгийн начин цолтон болсон. Түүгээр ч зогсохгүй улсын цолонд хүрч ч болох тухай ам уралдан ярьцгааж байна. Тэрбээр анх Ташкентын Их дуулга тэмцээнээс хүрэл медаль хүртэж байлаа. 

Б.Гончигсүрэн Азийн аваргын хүрэл медальтан юм. Тэрбээр өнгөрөгч 2022 онд Казакстаны Нур-Султан хотноо зохион байгуулагдсан Азийн аварга шалгаруулах жүдо бөхийн тэмцээнээс хүрэл медаль хүртсэн юм. 

Тэрбээр олон улсын чанартай нэгэн тэмцээнд оролцохоор хилийн чанадад очсон боловч байрлаж байсан газраасаа тэмцээн болох ордон руугаа буруу чиглэлийн автобусанд сууж, оролцож чадалгүй тэмцээнээ өндөрлүүлсэн удаатай гэнэ. Б.Гончигсүрэн нь Архангай аймгийн Хотонт сумын харьяат Аймгийн арслан Э.Мөнхжаргалтай нэг нутаг. Тэд хоёул жүдогийн улсын аваргууд юм. Э.Мөнхжаргал нэг түрүүлж байсан бол Б.Гончигсүрэн гурван удаа аваргалж байжээ.

Тэрбээр 2022 оны "Ulaanbaatar Grand Slam 2023" тэмцээнээс алтан медаль хүртсэн нь нутагтаа авсан анхны медаль байв. Тэгэхдээ Беларусийн Даниэль Мукете, Японы Котаро Үэока, энэ жилийн Дохагийн дэлхийн аварга ОХУ-ын Арман Адамиан, олимпийн мөнгөн медальт, дэлхийд гурав үзүүрлэж, гурван хүрэл медаль хүртсэн Гүржийн алдарт жүдоч Варлам Липартелиани нарыг тус тус ялж аваргалсан. Гончигоо Тэрбээр одоогоор дэлхийн чансаанд 3895 оноотой есдүгээр байрт бичигдэж байна.

Түүний сүүлийн үед гаргасан амжилтуудаас, 

Л.Сайнаа