2024 оны NBA-ын бүх оддын тоглолтын гарааны тоглогчдыг зарлалаа. 

Өрнөд бүсийн ахлагчаар 20 дахь удаагаа бүх оддын тоглогчоор шалгарч буй Леброн Жэймсийг нэрлэв. Түүний багийн хамтрагчаар Даллас Маверикс багийн хамгаалагч Лука Дончич, Оклахома Сити Тандер багийн хамгаалагч Шай Гилгеус-Александр, Денвер Наггетс багийн төвийн тоглогч Никола Йокич, Финикс Санс багийн довтлогч Кевин Дурант нар сонгогджээ. 

Өрнөд бүсийн гарааны тавтай танилцъя.

Багийн ахлагч Леброн Жэймс - Охайо Мужын Акрон хотоос 2003 драфтын тэргүүн сонголтоор NBA-д элсэж байсан тэрбээр NBA-ийн 4 удаагийн аварга, 4 удаагийн MVP болж байсан. Энэ улиралд 24.8 оноо, 7.2 самбар, 7.4 дамжуулалтыг Лос Анжелес Лэйкерс багийн төлөө дунджилж байна.

Даллас Маверикс багийн хамгаалагч Лука Дончич - Өдгөө 24 настай тэрээр өрнөд бүсийг нэг тоглолтонд оноо , оновчтой дамжуулалтаар тэргүүлж байна. Тэрбээр энэ улиралд 33.6 оноо, 9.3 оновчтой дамжуулалт, 8.5 самбар дунджилжээ. 

Оклахома Сити Тандер багийн хамгаалагч Шай Гилгеус-Александр - MVP-ийн төлөө өрсөлдөж буй шилдэг хамгаалагч нь NBA-г бөмбөг таслалтаараа тэргүүлж, нэг тоглолтонд гоол, оновчтой дамжуулалтаараа барууны шилдэг 10-т жагсаж байна. Тэрбээр мөн NBA-ын Win Probability Added- д тэргүүлдэг. Энэ улиралд 31.1 оноо, 6.4 дамжуулалт 5.6 самбар дунжилжээ. 

Денвер Наггетс багийн төвийн тоглогч Никола Йокич - Лигийг тэргүүлж буй Финалын MVP нь нэг тоглолтод оноо, самбараас бөмбөг авалт, оновчтой дамжуулалтаараа дээгүүр бичигдэж буй. 28 настай Серб залуу энэ улиралд 26.2 оноо, 12 самбар, 9.1 дамжуулалт дунжлав. 

Финикс Санс багийн довтлогч Кевин Дурант - Дурант 3-аас 46.4 хувьтай шидэж байгаа. Тэр мөн оноо авалтаараа эхний тавд буй. Энэ улиралд 29.6  оноо, 6.3 самбар, 5.6 дамжуулалт дунджилжээ. 

Л.Сайнаа