2024 оны NBA-ын бүх оддын тоглолтын гарааны тоглогчдыг зарлалаа.
Филадельфи 76 багийн төвийн тоглогч Жоэл Эмбийд, Бостон Селтиксийн довтлогч Жэйсон Татум, Индиана Пэйсерс багийн хамгаалагч Тайрез Халибуртон, Милуоки Бакс багийн анд Жианнис Антетокоунмпо, Дэмиан Лиллард нар Дорнодын төлөө гараанд гарах юм.
Филадельфи 76 багийн төвийн тоглогч Жоэл Эмбийд - Ээлжит улирлын MVP, NBA-г гурав дахь улирал дараалан оноогоор тэргүүлж, самбараас бөмбөг авалтаар эхний тавд бичигдэж, оновчтой дамжуулалт өгч байгаа тэрбээр 36 оноо, 11 самбар дунджлав.
Бостон Селтиксийн довтлогч Жэйсон Татум - Өдгөө 25 настай тэрбээр NBA-ийн шилдэг багийн мэргэн бууч, самбараас бөмбөг авалтыг тэргүүлэгчийн байр сууринд буй. Энэ улиралд тэр 27 оноо, 8.4 самбар, 4.4 дамжуулалтыг дунджаар гүйцэтгэв.
Индиана Пэйсерс багийн хамгаалагч Тайрез Халибуртон - Өдгөө 23 настай тэрбээр NBA-г нэг тоглолтод оновчтой дамжуулалтаар тэргүүлж, дамжуулалт самбараас бөмбөг авалтын амжилтаараа тэргүүн эгнээнд байна. Энэ улиралд Халибуртон 23.6 оноо, 12.6 дамжуулалт, 4.1 самбараас бөмбөг авалт дунджлав.
Багийн ахлагч Милуоки Бакс багийн тоглогч Жианнис Антетокоунмпо - Хоёр удаагийн лигийн MVP энэ улиралд 31.2 оноо, 11.5 самбар, 6.1 дамжуулалт дунджилжээ.
Милуоки Бакс багийн тоглогч Дэмиан Лиллард - Бакс дахь анхны улиралдаа 33 настай тоглогчийн ажиллагаа бага зэрэг буурсан ч Дорнод бүсдээ хоёрт бичигдэх 100 бөмбөг тутамд 120.6 онооны үзүүлэлтийг гаргаад байна. Энэ улиралд тэр 25.3 оноо, 6.9 дамжуулалт, 4.4 самбар дунджлав.
Л.Сайнаа
