Германы сагсан бөмбөгийн “ART Giants Düsseldorf” баг 2023 онд эх нутгаа орхин зугтаж ирсэн Украйны 17 настай тоглогч Володимир Ермаковыг өнгөрсөн бямба гарагт хутгалуулж амиа алдсан тухай мэдэгдэв.
Германы Эссен хотын цагдаа нар "хоёр бүлэг залуусын хооронд хэрүүл маргаан даамжирч, дөрвөн хүн хутгалуулсны улмаас хүнд бэртэж, хохирогчдын нэг нь яаралтай хагалгааны үеэр эмнэлэгт нас барсан" гэжээ.
Эссен хотод төвтэй Хүн амины гэмт хэрэгтэй тэмцэх бүлэг мөрдөн байцаалтын ажиллагаа явуулж, 14, 15 настай хоёр сэжигтнийг хэрэгтнээр татан баривчилсны 14 настай нь охин хүүхэд аж.
Тэд хоёулаа цагдаагийн байгууллагад гэмт хэргийн бүртгэлтэй байжээ.
Цагдаа нар 14 настай охиныг хууль ёсны асран хамгаалагчид нь хүлээлгэн өгсөн байна. Түүнийг гэмт хэрэгт холбогдолгүй байх магадлалтай хэмээв.
Л.Сайнаа
