Үндэсний алтан цомын төлөөх барилдааны хагас шигшээ шат Хөвсгөл-Сэлэнгэ аймгуудын барилдаанаар өндөрлөв. Уг барилдаанд Хөвсгөл аймгийн Их-Уул сумын харьяат Аймгийн арслан П.Хүрэлбаатар ганцаархнаа тав давж, бахдуулав. Тэгвэл бид танд "гойд" барилдаан үзүүлсэн түүний тухай 10 баримтыг хүргэе. 

Баримт 1

Тэрбээр 2000 оны 10 дугаар сарын 11-нд Хөвсгөл аймгийн Их-Уул суманд мэндэлжээ. 

Баримт 2

Биеийн өндөр 180 см. 

Баримт 3

Анх 2019 онд Сумын заан цол хүртэж, 2021 онд цолоо баталжээ. 

Баримт 4

Улмаар 2023 оны Говьсүмбэр аймгийн баяр наадамд тав давж, Аймгийн цолны босго алхаж байв. 

Баримт 5

Дээрх наадмаас яг дөрвөн өдрийн ард болсон Дархан-Уул аймгийн баяр наадамд өнгөтэй, сайхан барилдаж Аймгийн арслан цолтон болсон. 

Баримт 6

Сумын цолтой болон залуу бөхчүүдийн барилдаанд хамгийн ихдээ зургаа давж, бага шөвөгт үлджээ. 

Баримт 7

Түүнийг хүмүүс хөөрхөн Хүрлээ гэдэг. 

Баримт 8

Монголын бөхөд хайртай ард түмэн түүнийг дараагийн Содномдорж гэлцдэг. 

Баримт 9

Уран хурц, уйдаамгүй шуурхай барилдаан нь эрчүүдийн сэтгэлийг ч хөдөлгөдөг учир Монгол даяар түүнийг хайрлаж, хүндэлдэг гэхэд хилсдэхгүй. 

Баримт 10

• "Хөвсгөлийн Хүчтэн" дэвжээ
• "Сүлд" спорт хороо
• Төгс Наран Өглөө ХХК-ийн нэр дээрээс барилдаж байна. 

Л.Сайнаа