Дорноговь аймгийн Мандах сумын түүхт 100 жилийн ойд зориулсан, Мандах сумын харьяат Монгол Улсын начин Алтангэрэлийн Хатансайханы нэрэмжит улс, аймгийн алдар цолтой хүчит 128 бөхийн барилдаан 2024 оны гуравдугаар сарын есний 13:00 цагаас Монгол бөхийн өргөөнд болох гэж байна. Тэгвэл бид та бүхэнд Улсын начин А.Хатансайханы тухай зургаан баримтыг хүргэж байна. 

Баримт 1

Тэрбээр 1972 оны нэгдүгээр сарын 05-нд Дорноговь аймгийн Мандах суманд төржээ. 

Баримт 2

"Хутагтын дэвжээ"-ний нэр дээрээс барилддаг байв. 

Баримт 3

Түүний биеийн өндөр 175 см. 

Баримт 4

Тэрбээр 1989 онд Дорноговь аймгийн баяр наадамд тав давж шөвгөрөн " Аймгийн начин " цол хүртсэн. 1994 онд Дорноговь аймгийн баяр наадамд Аймгийн арслан Д.Баянжаргалаар зургаа даван түрүүлж " Аймгийн заан " цол хүртсэн. Тухайн жил 64 бөх барилджээ. 

Баримт 5

Улмаар 1997 оны АХ-ын 76 жилийн ойн баяр наадамд Аймгийн заан цолтой барилдаж, Улсын заан Ч.Гочоосүрэнгээр дөрөв, Улсын заан Ц.Баярсайханаар тав давж " Монгол улсын начин " цолыг хүртсэн.

Баримт 6

Тэр бөхийн өргөөнд болсон барилдаанд нэг ч удаа дунд шөвөгт үлдэж байгаагүй. 

Баримт 7

Тэрбээр 2001 онд  Дорноговь аймгийн баяр наадамд улсын начин Ш.Лхагвасүрэнгээр долоо даван түрүүлсэн.

Л.Сайнаа