Бразилийн хөлбөмбөгийн од Дани Алвес бэлгийн хүчирхийлэл үйлдсэн хэрэгт буруутгагдаад багагүй хугацааг ардаа үлдлээ. Гэвч тэр нэг сая евро буюу ойролцоогоор 1,08 сая ам.долларын барьцаа төлбөрийг Барселон хотын шүүхэд шилжүүлж, шоронгоос батлан даалтад гарчээ.
Шүүхийн мэдээлснээр, Алвес мөнгөө Испанийн Барселона мужийн шүүхийн 21 дүгээр хэсгийн данс руу шилжүүлсэн байна. Өдгөө 40 настай тэрбээр "Брианс 2" хорих төвөөс гарч явсны гэрэл зураг хальсандаа буулгасан байна.
Хоёрдугаар сарын 22-нд Барселон мужийн шүүх 2022 оны арванхоёрдугаар сарын сүүлчээр хотын нэгэн шөнийн цэнгээний газарт эмэгтэй хүн бэлгийн дарамт учруулсан хэргээр Алвесийг дөрвөн жил хагасын хорих ялаар шийтгэсэн. Алвесын өмгөөлөгч ял болон ялыг давж заалдахаа мэдэгдсэн бол Барселоны прокурорын газар болон нэхэмжлэгч хоёулаа Алвесыг давж заалдах эрхтэй гэж шийдсэн юм.
Шоронгоос гарсных нь дараа түүний Бразил, Испанийн паспортыг нь хураах аж. Мөн түүнийг Испанийн нутаг дэвсгэрээс гарахыг хориглосон. Түүнчлэн Алвесыг хохирогчийн гэр, ажлын байр, байнга очдог газраас нэг километрийн зайд байхыг сануулж, ямар ч аргаар харилцаа тогтоож болохгүй гэжээ.
Алвес бол Испани, Итали, Францад дотоодын аварга цолыг хүртэж байсан үеийнхээ хамгийн алдартай хөлбөмбөгчдийн нэг юм. Тэрбээр 2009, 2011, 2015 онд "Барселона"-гийн хамтаар Аваргуудын лигт гурван удаа түрүүлж, 2007, 2019 онд Бразилийн шигшээ багийн хамт "Копа Америка"-д түрүүлсэн билээ.
Л.Сайнаа
