2022 оны ДАШТ-ий алтан медальт, МУГТ Ц.Цогтбаатар бэртлийн улмаас энэ сарын 19-нд эхлэх ДАШТ-ээс нэрээ татсан гэх мэдээлэл байна. 

Энэ оны жүдо бөхийн ДАШТ ирэх тавдугаар сарын 19-23-ны өдрүүдэд АНЭУ-ын Абу Даби хотноо зохион байгуулагдах бөгөөд таван тивийн 109 орны 675 шилдэг жүдоч хурд хүч, авхаалж самбаагаа сорино. Тус тэмцээнд манай улсаас 13 жинд 18 жүдоч хүч үзэх гэж байгаагийн ес нь эрэгтэй, ес нь эмэгтэй байв. Өнгөрсөн оны ДАШТ мөн л энэ сард болж өнгөрсөн билээ.

Энэ удаагийн тэмцээн "Парис-2024" олимпын наадмын өмнө зохион байгуулагдаж буй тул тамирчин бүрийн хувьд чухал байхаас гарцаагүй. Гэвч олимп ойртож буй энэ үед түүний бэртэл бүрэн эдгэрэхгүй байгаа нь бөх сонирхогчдын санааг чилээж байна. 

Л.Сайнаа