Европын хөлбөмбөгийн аварга шалгаруулах тэмцээний хасагдах шатны тоглолтоос Швейцар, Герман, Англи, Испанийн шигшээ багууд шөвгийн наймд шалгарлаа. 

Улмаар өнөө шөнө Франц - Бельгийн эсрэг 00 цагаас, Португал - Словенийн шигшээ багийн эсрэг 03 цагаас тоглоно.  

Францын шигшээ баг D хэсгийн сүүлийн тоглолтоо Польшийн эсрэг хийж тэнцсэнээр, нэг хожил, хоёр тэнцээтэй хэсгийн дэд байраар хасагдах шатанд шалгарсан. D хэсэгт Австралийн шигшээ баг сүүлийн тоглолтдоо Нидерландыг илүүрхэж, хоёр хожил, нэг хожигдолтой хэсгээ тэргүүлсэн билээ. Хэсгийн гурваар шалгарсан Нидерланд мөн 4 оноотой хэсгээсээ шалгарав. Тэд Румыны эсрэг тоглоно. 

Энэ шөнө Францын шигшээ баг Бельгийн шилдгүүдтэй ширүүн тулаан өрнүүлэх нь гарцаагүй. Бельгийн шигшээд Манчестер Ситигийн шилдэг хагас хамгаалагч Кевин де Бройн, алдарт Лукаку нар бий. 

Нөгөө талд зургаа дахь Европын аваргадаа өрсөлдөж буй Роналдугаар ахлуулсан Португалын шигшээ баг Словенийн эсрэг тулна. Португалчууд хэсгийн сүүлийн тоглолтдоо Гүржийн баатруудын эсрэг тоглоод хожигдсон. Тэд өнөө шөнө хэрхэн тоглох бол?

Словеничууд С хэсгийн гуравдугаар байраар хасагдах шатанд үлдсэн. Данийн шигшээтэй оноо тэнцэж, Английг хүчрээгүй тэдний хувьд энэ шөнө түүх бүтээх мөч байх болов уу? Харах л үлдлээ. 

Л.Сайнаа