"Парис 2024" зуны олимпын наадмын жүдо бөхийн тэмцээнд өндөрлөж, эхний өдөр зодоглосон ОУХМ, дэлхийн аварга Б.Баасанхүү олимпын дэд аварга болсон. Тэр өнөөдөр өглөө эх орондоо газардлаа.
Тэгвэл түүний эх орондоо авчирсан мөнгөн медаль хэр үнэтэй вэ? гэх судалгааг бид гаргав. Мэдээж энэхүү медаль нь Монголын ард түмний хувьд үнэлж барашгүй том зүйл билээ. Тэгвэл уг медалийн ерөнхий үнэ хэд вэ?
Гурван төрлийн медаль нь өөр өөр металлтай. Гурван төрлийн медалийн хамгийн их хүсэн хүлээдэг алт нь 6 грамм алтаар бүрсэн дотроо мөнгөний агууламжтай. Үүний зэрэгцээ мөнгөн медалийн агууламжид өөр төрлийн үнэт металлыг шингээсэн байдаг гэнэ.
"Oxford Economics"-ийн мэдээлснээр Парисын олимпын алтан медалийг агууламжаас нь хамаарч 1027 ам.доллараар үнэлжээ. Харин мөнгөн медаль 535 ам.доллараар үнэлэгдэж байна. Харин хүрэл медалийн үнэ 4.60 ам. доллар гэнэ.
Парисын зуны Олимп, Паралимпын наадмыг зохион байгуулагчид медалийн загвараа энэ оны хоёрдугаар сард олонд танилцуулж байв. Парисын наадмын үеэр тамирчдад гардуулах медаль бүрд Францын нийслэл Парис хотын бэлгэдэл болсон Эйфелийн цамхагийн төмөр хэлтэрхийг оруулж өгсөн бөгөөд зургаан өнцөгт хэлбэртэй төмрийг нүүрэн талд байрлуулснаараа онцлог.
Олон улсын Олимпын хорооны зөвлөмжийн дагуу медалын нүүрэн талд Грекийн ялалтын бурхан НИКЭ болон “Афин 1896 “ анхдугаар Олимпын наадам болсон “Панатинаикос” цэнгэлдэл хүрээлэнг дүрсэлснээс гадна Парис хотын бэлгэ тэмдэг Эйфелийн цамхгийг дүрсэлсэн юм бна. Харин ард талд нь 1887-1889 онд Эйфелийн цамхгийг сэргээн засварлах үед гарсан төмөр хэлтэрхий хэсгүүдээр эх газрын Францынг дүрслэх зургаан өнцөгтийг урласан байна.
“Парис 2024” Олимп болон паралимпын медалийн хэмжээ нь 9.2 мм зузаан,85мм диаметртэй. Медаль тус бүр Эйфелийн цамхгийн 18 грамм төмөр агуулсан алтан медаль 455 г жинтэйгээр нийт 5084 ширхэгийг бүтээсэн.
Л.Баяр
