Монгол улсад Ардын хувьсгалын жилүүдээс хойш 10 дархан аварга цолтой бөх мэндэлжээ. Тэдгээрийн тав нь өнөөд амьд сэрүүн байна. Өнөөдөр тэдний хамгийн отгон нь болон Н.Батсуурь цолны найраа хийж байгаа билээ. 

1. Дархан аварга Хорлоогийн Баянмөнх – Увс аймгийн Хяргас сумын харьяат, хөдөлмөрийн баатар, гавьяат тамирчин, дархан аварга Х.Баянмөнх нь төрийн наадамд 10 удаа түрүүлж, 250 удаа давжээ.

2. Дархан аварга Жигжидийн Мөнхбат – Төв аймгийн Эрдэнэсант сумын харьяат, хөдөлмөрийн баатар, гавьяат тамирчин, дархан аварга Ж.Мөнхбат нь таван жил дараалан түрүүлж, 224 удаа давжээ.

3. Дархан аварга Дарийн Дамдин – Хөвсгөл аймгийн Цагаан-Үүр сумын харьяат, хөдөлмөрийн баатар, гавьяат жүжигчин, дархан аварга Дарийн Дамдин нь улсын наадамд анх удаа тав дараалан түрүүлсэн бөх бөгөөд 219 удаа давжээ.

4. Дархан аварга Бадмаанямбуугийн Бат-Эрдэнэ – Хэнтий аймгийн Өмнөдэлгэр сумын харьяат, хөдөлмөрийн баатар, гавьяат тамирчин, дархан аварга Б.Бат-Эрдэнэ нь төрийн наадамд хамгийн олон буюу 12 удаа түрүүлж, 193 удаа давжээ.

5. Дархан аварга Бадамдоригийн Түвдэндорж – Булган аймгийн Сэлэнгэ сумын харьяат, үндэсний спортын гавьяат мастер, дархан аварга Б.Түвдэндорж нь улсын их баяр наадамд 173 удаа давжээ.

6. Дархан аварга дашдоржийн Цэрэнтогтох - Өвөрхангай аймгийн Нарийнтээл сумын харьяат, чөлөөт бөхийн Азийн наадмын аварга, Монгол Улсын гавьяат тамирчин, дархан аварга Д.Цэрэнтогтох нь улсын их баяр наадамд дарван удаа түрүүлж, 109 даваа авчээ. 

7. Дархан аварга Шаравын Батсуурь - Дархан аварга, бөөрөнцөг түлхэлтийн улсын аварга Ш.Батсуурь улсын их баяр наадамд хоёр түрүүлж, гурав үзүүрлэсэн. Нийтдээ 16 удаа шөвгөрсөн бөх билээ. 

8. Дархан аварга Агваансамдангийн Сүхбат - Төв аймгийн Сэргэлэн сумын харьяат, үндэсний бөхийн дархан аварга, сонирхогчдын сүмо бөхийн дэлхийн хошой аварга, Монгол Улсын гавьяат тамирчин А.Сүхбат улсын их баяр наадамд гурва удаа түрүүлж, 11 удаа шөвгөрсөн бөх. 

9. Дархан аварга Гэлэгжамцын Өсөхбаяр - Архангай аймгийн Батцэнгэл сумын харьяат, үндэсний бөхийн дархан аварга, МУГТ, Хөдөлмөрийн баатар Г.Өсөхбаяр нь улсын их баяр наадамд дөрвөн удаа түрүүлж, нийтдээ 14 шөвгөрсөн бөх. 

10. Дархан аварга Намсрайжавын Батсуурь - Увс аймгийн Ховд сумын уугуул, үндэсний бөхийн дархан аварга Н.Батсуурь нь улсын их баяр наадамд дөрвөн удаа түрүүлж, 11 удаа шөвгөрчээ. 

Л.Баяр