FIBA-ийн дэлхий нийтийн түнш болох олон улсын 1xBet компани нь FIBA 3x3 Азийн АШТ 2025-ын үр дүнг танилцуулж байна.
Азийн хамгийн нэр хүндтэй 3x3 сагсан бөмбөгийн тэмцээн болох 2025 оны FIBA 3x3 Азийн АШТ нь Сингапур улсад дөрөв дэх жилдээ дараалан 2025 оны 3-р сарын 26-наас 30-ны хооронд зохион байгуулагдлаа. Тэмцээн нь тус улсын тэргүүлэгч спорт, үзвэр үйлчилгээний цогцолбор болох OCBC төвд явагдсан бөгөөд таван өдрийн турш 25 эрэгтэй, 23 эмэгтэй баг өрсөлдсөн юм.
Австрали дахин ялагдашгүй байлаа
3-р сарын 30-нд Австралийн эмэгтэй, эрэгтэй багууд Ази тивийн хамгийн хүчирхэг сагсан бөмбөгийн багууд гэх цолоо дахин нэг удаа амжилттай хамгааллаа. Эхлээд Ногоон тивийн охид шийдвэрлэх тоглолтод Японы багийг 21:17 харьцаагаар ялсан. Тоглолтын эхэнд Алекс Уилсон, Марена Уиттл нарын ойлголцол сайтай тоглолтын ачаар австраличууд илт давуу байдалтай болсон. Тоглолтын дунд үед япончууд онооны зөрүүг арилгаж, тэнцүүлж чадсан ч тэрхүү хэмнэлээ удаан хадгалж чадаагүй. Аннели Мэйли тэмцээний гол фаворит Австралийн багт ялалтын оноог авчирсан. Үүний үр дүнд Австралийн эмэгтэйчүүдийн 3x3 баг Ази тивийн цомыг гурав дахь жилдээ дараалан, нийт тав дахь удаагаа хүртлээ.
Австралийн эрэгтэй баг Хятадын багтай халз тулж, 21:19 харьцаагаар ялав. Аль аль багийн гол тоглогчид болох Ханю Гёо болон Алекс Хиггинс-Титша нар тус бүр 11 оноо авсан. Тоглолтын төгсгөлд оноо тэнцүү болсон бөгөөд 19:19-ээр үргэлжилж байв. Шийдвэрлэх мөчид хятадууд дүрэм зөрчиж, үүний улмаас австраличууд хоёр чөлөөт шидэлтийн эрх авч, уг боломжоо амжилттай ашигласнаар аваргын хувь заяа шийдэгдсэн юм. Ингэснээр Австралийн эрэгтэй 3x3 баг Азийн цомын 5 удаагийн аварга болж, энэ үзүүлэлтээр эмэгтэй багийнхаа амжилттай тэнцсэн.
Хятадын баг тогтвортой ахиц гаргаж байна
Тэмцээн эхлэхийн өмнө шинжээчид Хятадын эмэгтэй болон эрэгтэй багуудыг шагналт байрын төлөө өрсөлдөхүйц гэж үнэлж байсан. Хятадын сагсан бөмбөгчид уг хүлээлтийг давуулан биелүүлж, хоёрдугаар байрт шалгарч, FIBA 3x3 Азийн АШТ-ий түүхэн дэх хамгийн сайн амжилтаа үзүүллээ. Түүнчлэн, эрэгтэй багийн хувьд алтан медаль хүртэхэд ердөө нэг шидэлт дутсан.
Хятадын эмэгтэй баг хагас шигшээд Австралийн шигшээ багт 15:21 харьцаагаар ялагдсан ч гуравдугаар байрын төлөөх тоглолтод Филиппиний багийг хөнгөхөн ялж (21:11), хүрэл медаль хүртлээ. Гайхах зүйлгүйгээр, Хятадын шигшээ багийн тамирчид Сингапур дахь тэмцээнээс хоёр иж бүрэн медальтай буцсан нь Хятадад 3x3 сагсан бөмбөг хурдацтай хөгжиж байгаагийн илрэл юм.
Японы шигшээ баг бүгдийг гайхшруулав
Мэдээжийн хэрэг, энэ тэмцээнд финалд шалгарсан Японы эмэгтэй шигшээ багийг онцлохгүй өнгөрч болохгүй. Япон охид өмнөх хоёр удаагийн FIBA 3x3 Азийн АШТ–ээс мөнгөн медаль хүртэж байсан Шинэ Зеландын багийг буулган авч медалийн тавцнаас түлхэн унагасан.
Харин Японы эрэгтэй баг 2018 оноос хойш анх удаа FIBA 3x3 Азийн цомын хагас шигшээд шалгарсан нь бас өндөр үнэлэгдэх үр дүн юм. Хүрэл медалийн төлөөх тоглолтод япончууд Шинэ Зеландын залууст 18:21 харьцаагаар ялагдсан. Эмэгтэй, эрэгтэй аль аль баг нь шилдэг 4-т багтсан нь Азид өрнөж буй Японы 3x3 сагсан бөмбөгийн хувьд томоохон амжилт юм.
Монголын шигшээ баг хүлээлтэд хүрээгүй бол Филиппиний шигшээ баг шуугиан тарив
3x3 сагсан бөмбөг нь Монголд эрчимтэй хөгжиж, нэр хүндийн оргилд хүрээд буй энэ үед тус улсын шигшээ багууд FIBA 3x3 АШТ-ий хагас шигшээд дор хаяж шалгарна хэмээн хүлээгдэж байсан. Гэвч Монголын эр, эм шигшээ багууд аль аль нь шөвгийн наймд ялагдал хүлээж, тавдугаар байрт шалгарсан нь олон үзэгчдийг гонсойлгосон үр дүн боллоо.
Харин тэмцээнийг зохион байгуулсан Сингапурын багууд тивийн шилдэг багуудтай эн зэрэгцэн өрсөлдөж чадсангүй — хөвгүүд 7-р байр, охид 11-р байрт оржээ. Үүний зэрэгцээ, Филиппиний эмэгтэй баг дараалан гурав дахь удаагаа FIBA 3x3 Азийн цомд оролцож, анх удаа хагас шигшээд шалгарсан нь анхаарал татсан шуугиант амжилт байлаа.
Тэмцээний формат
Та бүхэн 2025 оны FIBA 3x3 Азийн АШТ-ий форматтай танил бус байж магадгүй. Эрэгтэй болон эмэгтэйчүүдийн тэмцээн ижил бүтэцтэйгээр дараах гурван шатанд явагдсан:
- Урьдчилсан шат
- Хэсгийн шат
- Хасагдах шат
Урьдчилсан шатны 4 хэсгийн ялагчид үндсэн тэмцээнд шалгарсан ба Ази тивийн шилдэг найман баг урилгаар үндсэн тэмцээнд мөн шалгараад байв. Хэсгийн шатанд нийт 12 баг 3 багтай 4 хэсэгт хуваагдан өрсөлдсөн.
Хэсэг тус бүрийн эхний хоёр баг шөвгийн наймд шалгарсан. Үүнээс хойш тэмцээн шөвгийн найм, хагас шигшээ, гуравдугаар байрны төлөөх тоглолт болон финалын тоглолтуудаар үргэлжилсэн.
Энэ жил FIBA 3x3 АШТ анх удаа дэлхийн хэмжээний брэндийн дэмжлэгтэйгээр зохион байгуулагдсан. FIBA болон 1xBet “Cut the Net” уриан дор Сингапурт хамтран ажиллаж, энэхүү тэмцээний түүхэнд шинэ хуудсыг нээсэн. Дэлгэцийн урд болон ордны суудал дээрх үзэгчид гайхалтай оновчтой шидэлтүүд, гоёмсог тохолтуудыг бишрэн үзсэн сэтгэл хөдлөл, хүлээлт, хурд, үйл явдлаар дүүрэн уур амьсгал бүрдсэн.
FIBA болон 1xBet-ийн олон нийтийн сүлжээн дэх хаягуудыг дагаж, ирээдүйн тэмцээний шилдэг агшнуудыг хүлээн авч, найдвартай түншүүдийн хамтаар шинэ амжилтыг тогтоогоорой!
