PGL Bucharest 2025 плэйоффын шат Румын улсад өмнөх амралтын өдрүүдэд эхэлсэн бөгөөд финалын тоглолт эхлэхэд бэлэн болоод байна.
2025 оны улирал
2025 оны улирлын эхний гурван сар өнгөрч, Counter-Strike 2-ын таван том тэмцээн болж өнгөрсөн учраас энэ улирлын багуудын хүчний харьцаа бусдад тодорхой болж эхэлж байна. Vitality бол улирлыг тодорхой тэргүүлэгч баг бөгөөд тэд IEM Katowice 2025, ESL Pro League S21, болон BLAST Open Lisbon 2025 зэрэг гурван томоохон тэмцээнд түрүүлээд байна. MOUZ удаах байрт явж байгаа ба тэд PGL Cluj-Napoca 2025 тэмцээнд түрүүлж, бас хоёр ч том тэмцээний финалд шалгарсан.
Team Spirit, Aurora Gaming (хуучнаар Eternal Fire), мөн The MongolZ багууд энэ улирлын чансааны гуравдугаар байрыг хуваан эзэлж байна. Эхний хоёр баг аль хэдийнээ том тэмцээний финалд шалгараад байгаа бол Монголын баг болох The MongolZ энэ улиралд одоогоор ийм үр дүнд хүрээгүй байна.
Aurora Gaming-ийн бүрэлдэхүүн шинэчлэгдсэн нь энэ тэмцээнээс өмнөх гол үйл явдлуудын нэг байв. Тус байгууллага өмнөх CS2 бүрэлдэхүүнээ тарааж, Eternal Fire багийн хуучин бүрэлдэхүүн болох XANTARES, MAJ3R, Wicadia, woxic, jottAAA, мөн дасгалжуулагч Fabre-ийг эгнээндээ элсүүлсэн. Ийнхүү PGL Bucharest 2025 тэмцээнд Турк тоглогчид шинэ нэрийн дор Aurora Gaming нэрээр өрсөлдөж байгаа бөгөөд тус баг 1xBet компанийн албан ёсны түнш болжээ.
PGL Bucharest 2025 тэмцээний формат ба оролцогч багууд
PGL Bucharest 2025 тэмцээн дөрөвдүгээр сарын 6-нд эхэлсэн бөгөөд дөрөвдүгээр сарын 13-нд PGL Studio-д болох финалийн тоглолтоор өндөрлөх юм. Энэхүү тэмцээний нийт шагналын сан нь 1,250,000 ам.доллар бөгөөд түрүүлсэн баг 400,000 ам.долларын шагнал хүртэнэ.
Valve-ын чансаанд үндэслэн G2 Esports, The MongolZ, FaZe Clan, Aurora Gaming (хуучнаар Eternal Fire), Team Falcons, Team Liquid, FURIA, Virtus.pro, GamerLegion, 3DMAX, Astralis, paiN Gaming гэх 12 багууд шууд уригдан оролцсон.
Тэмцээн уралдаануудын хуваариуд маш шахуу байсан тул Vitality, MOUZ, Team Spirit, болон NAVI зэрэг дэлхийн шилдэг багууд PGL Bucharest 2025 тэмцээнд оролцохоос татгалзсан. Энэ нь дэлхийн чансааны эхний 10-д багтдаг бусад багуудад түрүүлэх боломжийг нэмэгдүүлж байна.
Бүс нутгийн урьдчилсан шатнаас нэмэлтээр Apogee, Complexity, Legacy, Rare Atom гэх 4 баг үндсэн тэмцээнд шалгарч оролцсон.
Тэмцээний хэсгийн шат эхлэхээс ч өмнө, 1xBet компанийн Монголын цахим спортын шинжээчид шууд урилгаар оролцож буй багууд плэйоффт шалгарах хамгийн өндөр магадлалтай хэмээн таамаг дэвшүүлээд байсан.
PGL Bucharest 2025 тэмцээний түрүүлэх магадлалтай багууд
Плэйоффын шатанд баг шалгаруулахад Swiss системийг ашиглан эхний 8 баг дараагийн шатанд шалгарч, үлдсэн 8 баг тэмцээнээс хасагдсан. Энэ шатанд АНУ-ын Complexity баг доод шатнаас 3-1 гэсэн амжилттай шалгарч, үзэгчдийг гайхшруулсан бол The MongolZ, Astralis, болон Apogee багууд 2-3 гэсэн дүнтэй харамсалтайгаар хасагдсан.1xBet-тэй хамтран ажиллагч The MongolZ баг эцсийн тав дахь тоглолт хүртэл хүчтэй тэмцсэн бөгөөд Team Falcons багтай хийсэн шийдвэрлэх тоглолтод сүүлчийн мапын нэмэлт үед ялагдал хүлээсэн.
Шөвгийн найм болон хагас шигшээн тоглолтууд явагдаж дуусаад байгаа бөгөөд G2 Esports баг шөвгийн наймд Virtus.pro-g 2:0, хагас шигшээд Complexity багийг мөн 2:0 харьцаатай буулган авсаар финалын шатад шалгараад байна. Харин нөгөө талаас Team Falcons шөвгийн наймд Gamer Legion-ийг 2:1, хагас шигшээд Faze Clan-ийг 2:1 гэх харьцаатай тус тус буулган авч финалд тоглох эрхийн эзэд болоод байна. Уг багууд дөрөвдүгээр сарын 13-ны Улаанбаатарын цагаар 24:00-аас тоглох хуваарьтай байна.
PGL Bucharest 2025 тэмцээний финалын тоглолтын мэдээллийг 1xBet Монгол платформоор дамжуулан найдвартай хүлээн аваарай!
