Австралид esports-ийн томоохон тэмцээн ховор зохиогддог тул IEM Melbourne 2025-ийг нутгийн хөгжөөн дэмжигчид онцгой анхаарал хандуулан хүлээж авсан. Тэмцээний үйл явц сонирхолтой өрнөж, финалын тоглолт нь энэ оны хамгийн шилдэг тоглолтоор одоогийн байдлаар маргаангүй нэрлэгдэж байна. 1xBet Монгол-ын esports шинжээчид тэмцээний гол үйл явдлуудыг тоймлон хүргэж байна.
IEM Melbourne 2025 – оролцогчид ба урамшуулал
Тэмцээн 4-р сарын 21-27-нд Мельбурн хотын алдарт Rod Laver Arena-д 1 сая ам.долларын шагналын сантай зохион байгуулагдав. Түрүүлсэн багийн тамирчид $125,000, клубын зүгээс $160,000-ын шагнал хүртжээ.
Valve-ийн дэлхийн болон бүс нутгийн чансаанд үндэслэн Team Vitality, Team Liquid, paiN Gaming, The MongolZ, FlyQuest, FaZe Clan, NAVI, MOUZ, Team Falcons, Virtus.pro, GamerLegion, 3DMAX, MIBR, BIG, SAW, Complexity гэх 16 багт тэмцээнд уригдаж оролцсон.
Ази тивийг төлөөлөн 1xBet-ийн албан ёсны түнш The MongolZ болон Монгол дасгалжуулагчтай (Эрдэнэцогт “erkaSt” Гантулга) Австралийн FlyQuest нар уг тэмцээнд оролцсон. The MongolZ-ийн амжилт дэлхийн багуудын дунд Монгол тоглогч, дасгалжуулагчдын түвшин өндөрт гарсан гэдгийг баталсаар байгаа.
Хэсгийн шат ба плей-офф
Эхний шатанд 16 багийг хоёр хэсэгт хувааж, Bo3 (3 тоглолтоос 2 хожвол ялах) форматаар double elimination (хоёр удаа хожигдож байж тэмцээнээс хасагдаж) системээр өрсөлдүүлсэн.
А хэсэгт MOUZ, The MongolZ, GamerLegion нар илүүрхсэн бол FaZe Clan санаанд оромгүй байдлаар хасагдсан. В хэсэгт Vitality болон Falcons итгэл дүүрэн тоглолтууд үзүүлсээр дараагийн шатанд шалгарсан бол, NAVI гуравдугаар байрын төлөө хүчтэй өрсөлдсөн ч Team Liquid-д ялагдаж тэмцээнээс хасагдсан.
The MongolZ баг Team Liquid-ийг 2-1-ээр хожиж, хагас шигшээд шалгарсан ч дэлхийн хамгийн хүчтэй баг болох Vitality-д хожигдон, тэмцээнийг 3-4-р байр, $105,000-ын шагналтайгаар өндөрлүүлсэн.
Финалын тоглолт — Vitality vs Falcons
Финалын өмнө 1xBet Монгол-ын шинжээчид Францын багийг илт давуу гэгдэж байгааг онцолж байв. Эхний map болох Inferno дээр Vitality Falcons-ийг 13-2-оор бут ниргэж цуврал эхэлсэн.
Гэвч Dust2 дээр Falcons эргэн эрэлт хийж, тоглолтыг нэмэлт цагт 16-12-оор ялалт байгуулсан. Vitality гурав дахь map Train-д 13-9-ээр ялсан ч Mirage дээр Falcons 13-10-оор ялж, багууд цувралыг шийдэх тав дахь map Nuke дээр тоглохоор болов.
Nuke дээр Falcons илүүрхэж, эхний хагасыг 9-3-аар өндөрлүүлсэн. Хоёрдугаар хагас эхлээд төд удалгүй 12-6 гэх оноотой болж, ердөө дараагийн 5 раундаас 1-г л хожвол ялалт авах байлаа. Гэвч Vitality сэтгэл зүйгээр илт давуу байж, дараалан 6 раунд хожин тоглолтыг нэмэлт цаг руу оруулсан юм.
Falcons ийм том давуу байдлыг алдсаныхаа дараа сэтгэлзүйгээр унаж, 3 нэмэлт цагийн эцэст 22-20-оор ялагдсан. Vitality туршлагаараа давамгайлж, багийн лидер Mathieu "ZywOo" Herbaut HLTV-ийн замналынхаа 24 дэх MVP шагналыг хүртлээ.
Энэ ялалтаар Vitality баг улирлынхаа дөрөв дэх түрүүг, мөн ESL Grand Slam Season 5-ийн аваргын цол, $1,000,000-ын шагнал авсан. Тэд 2025 онд BLAST Bounty Spring 2025-аас бусад оролцсон бүх тэмцээндээ түрүүлээд байна. Энэхүү түүхэн ялалтын дараа Францын Ерөнхийлөгч Эммануэль Макрон Vitality багийн гишүүдэд албан ёсоор баяр хүргэн, тэднийг улсынхаа нэрийг esports-ийн дэлхийд өндөрт өргөж яваад талархал илэрхийлжээ.
Vitality, The MongolZ, гэх багуудын esports-ийн түүхэн мөчүүдийг 1xBet Монголоос хамтдаа мэдэрч, цахим спортын оргил үйл явдлуудтай үргэлж холбоотой байгаарай!
