Европын цом болон Аваргуудын Лигийн финал бол Европын хөлбөмбөгийн оргил бөгөөд жинхэнэ домгуудын гялалздаг тайз юм. 2024/25 оны улирал Мюнхенд өндөрлөх гэж буй энэ мөчид, 1xBet Монгол-ын хамт олон танд 70 жилийн түүхтэй энэ тэмцээний хамгийн шилдэг 5 финалыг танилцуулж байна.

5. Реал Мадрид 4-3 Реймс (1956)

Парисын Parc des Princes цэнгэлдэхэд болсон Европын цомын анхны финалд Францын Реймс баг эхний 10 минутанд 2-0-ээр тэргүүлэн тоглолтыг эхлүүлж, эцсийн мөч хүртэл 3-2-оор ялалт байгуулж байсан ч Альфредо Ди Стефано болон Гектор Риал-ын гоолуудын ачаар Реал Мадрид эргэн ирэлт толилуулж 4-3-ын харьцаатай түүхэн ялалт байгуулсан. Энэхүү Европын цомын анхны финал тун өрсөлдөөнтэй, санаанд оромгүй мөчүүдээр дүүрэн байсан нь энэ тэмцээний чанар, үнэ цэнийг анхнаас нь өндөрт тогтоож өгсөн билээ. 

4. Барселона 3-1 Манчестер Юнайтед (2011)

2011 оны Уэмбли дэх финал бол хөлбөмбөгийн төгс төгөлдөр байдлыг илтгэсэн тоглолт байв. Гвардиолагийн Барса аваргуудын лигт түрүүлэхээс гадна харин хөлбөмбөгийн түүхэн дэх хамгийн хүчирхэг бүрэлдэхүүнүүдийн нэг гэдгээ харуулсан. Мессиг зогсоох ямар ч боломж байгаагүй ба Шави тоглолтыг удирдаж, Иньеста эсрэг багийн хувилбаруудыг бүрэн эвдэж байв. Манчестер Юнайтед багийн тоглогчид уг тоглолтын турш эсрэг багийн тоглогчдын сүүдэрт бүрэн дарагдсан. 

3. Манчестер Юнайтед 2-1 Байерн Мюнхен (1999)

Энэ тоглолт бол “итгэл сүүлчийн минут хүртэл амьд байдаг” гэх үгний жинхэнэ баталгаа юм. Тоглолт дөнгөж эхэлсэн даруйд Марио Баслер эхний гоолыг хийж Байерн тоглолтын тэргүүллийг авсан бөгөөд Шолл ба Янкер нар тус бүр сайхан боломжуудыг алдаж хаалганы шон оноцгоосон. Тоглолтын цаг 91 дэх минут руу орж байх үед Шерингем булангийн цохилтоос тэнцээний гоол хийж, 2 минутын дараа Сульшер дахин булангийн цохилтоос ялалтын гоолыг оруулснаар Манчестер Юнайтед клуб аваргуудын лигт түрүүлсэн.

2. Бенфика 5-3 Реал Мадрид (1962)

Амстердам дахь 1962 оны финал бол довтолгооны хөлбөмбөгийн оргил байв. Реал Мадрид бүрэлдэхүүний хувьд өрсөлдөгч багаасаа илт давуу байсан. Ференц Пушкаш эхний хагасд 3 гоол хийж, Реал 3-2-оор тэргүүлж байв. Гэвч Португалын баг бууж өгөлгүй Еүсэбио 2 гоол нэмэж, Колуна дахин нэг гоол хийснээр тухайн үедээ ялагдашгүй гэгдэж байсан Реал Мадридыг зогсоож аваргуудын лигт түрүүлж байв. 

1. Ливерпүүл 3-3 Милан (пен. 3-2) (2005)

2005 оны Истанбул дахь финал домог мэт түүх болсон тоглолт. Паоло Мальдини тоглолтын эхний минутад гоол оруулж, 30 минутын дараа Креспо хоёр гоол нэмж оруулснаар 3-0 харьцаатай Милан тэргүүлж эхэлсэн. Гэвч хоёрдугаар үед Ливерпүүлийн тоглогчид бууж өгөлгүй эцсийн мөч хүртэл тэмцсэнээр Жеррард, Шмицер, Алонсо нар ердөө 6 минутын дотор 3 гоол оруулж тоглолтын үндсэн цаг тэнцээгээр өндөрлөсөн. Нэмэлт үед хаалгач Йержи Дудек Миланы довтолгоог бүрэн хаасаар 11 метрийн торгуулийн цохилт дээр багтаа ялалтыг авчирсан.

1xBet Монгол-ын хүргэсэн энэхүү финалын тоглолтууд нь сэтгэл зүй, ур чадвар, хүсэл тэмүүлэл, хувь тавилан хэрхэн спорттой холбогддог гэдгийг харуулж байна.