Rivals Spring 2025 нь энэ улирлын гурав дахь BLAST-ийн зүгээс зохион байгуулсан тэмцээн бөгөөд тэдний шинээр эхлүүлсэн Rivals цувралын анхны тэмцээн байв. Зохион байгуулагчид дэлхийн чансааны эхний 4 баг болон 4 бүс нутгийн хамгийн хүчтэй гарч ирж буй багуудыг урьж, тэдэнд тайзнаа хүчээ сорих боломж олгосон юм. Энэхүү нийтлэлд 1xBet Монголын цахим спортын шинжээчдийн баг BLAST Rivals Spring 2025 тэмцээний дүнг нэгтгэн хүргэж байна.
"BLAST Rivals Spring 2025"-д оролцсон багууд
Тэмцээн 2025 оны 4 сарын 30-наас 5 сарын 4-ний хооронд Дани улсын Копенгаген хот дахь BLAST Studios-д зохион байгуулагдсан. Valve-ийн 3 сарын чансааг үндэслэн анхны урилгыг Team Spirit (VRS #1), Team Vitality (VRS #2), MOUZ (VRS #4), болон FaZe Clan (VRS #5) багууд авсан. 1xBet-ийн албан ёсны түнш, чансааны гуравт эрэмбэлэгдэж байсан The MongolZ завгүй хуваарийн улмаас оролцохоос татгалзсан тул тэдний оронд FaZe Clan тэмцээний эрхийг авсан юм.
Дэлхийн шилдэг дөрвөн баг, тив тивийн төлөөлөл болсон Team Falcons (Европ), Wildcard (Хойд Америк), paiN Gaming (Өмнөд Америк), болон FlyQuest (Ази) гэх багуудтай нүүр тулахаар болсон юм. Урилга тараагдах үед Falcons дэлхийн чансааны 6-р байрт бичигдэж байсан бөгөөд удалгүй G2 Esports багаас одоо үеийн хамгийн шилдэг тоглогчдын нэг болох Ilya “m0NESY” Osipov-ийг элсүүлснээр тэмцээний шилдэг өрсөлдөгчдийн нэг болсон.
"BLAST Rivals Spring 2025" - Шигшээ шатны өмнөх тойм
Тэмцээний А хэсгийг тэргүүлэгч багууд болох MOUZ болон Vitality багууд paiN болон Wildcard багуудыг эхний тойрогт амархан ялсан. Хасагдах шатны өрсөлдөөнд Wildcard илүүрхэж, paiN тэмцээнээ өндөрлүүлсэн бол хэсгийн тэргүүлэгчдийн тулаанд Vitality эхний мап Mirage-д MOUZ-д (9-13) ялагдсан ч, Inferno (13-9) болон Train (13-8)-д ялалт байгуулж хагас шигшээд шууд шалгарсан.
Харин тэмцээний Б хэсэг урьдчилсан таамгийн дагуу явж өндөрлөсөн. Spirit болон FaZe багууд FlyQuest-ыг ялсан ч Falcons багт хоёулаа ялагдсан. Ийнхүү Falcons шууд хагас шигшээд, харин Spirit болон FaZe шөвгийн 8-д үлдсэн.
"BLAST Rivals Spring 2025" - Шөвгийн 8
Тэмцээний плей-офф шатанд шалгарах эрхийн төлөөх тоглолтууд MOUZ vs FaZe (2-0) болон Spirit vs Wildcard (2-0) гэх үр дүнтэй өндөрлөсөн. MOUZ болон FaZe багуудын тоглолтод, FaZe өөрсдийн сонгосон Dust2 мапын эхний хагаст (4-8) ялагдсан ч дараалан 7 раунд авч (11-8) эргэн ирсэн. Гэвч дараагийн бүх раундыг алдсанаар (11-13) харьцаатай эхний мап дээр ялагдал хүлээсэн. Хоёр дахь мап Mirage дээр MOUZ үнэхээр илүү баг нь байж, 13-2 харьцаатай ялалт байгуулж FaZe Clan-ыг тэмцээнээс хасав. Хоёр дахь мап дээр Jimpphat 2.92 үнэлгээ, 27/3 KD харьцаатай бүх тоглогчдыг тэргүүлсэн бол FaZe-ийн rain ердөө 0.25 үнэлгээ, 2/15 KD-тай тоглосон нь хамгийн муу үзүүлэлт байв.
Харин нөгөө талд Spirit баг Wildcard-ийг бүрэн давамгайлж хагас шигшээ шатанд шалгарсан.
Хагас шигшээ:
Falcons болон MOUZ багуудын Nuke мапын тоглолт 12-12 харьцаатай дуусч, нэмэлт цагт Falcons 16-14-өөр ялалт байгуулсан. Үүнээс гадна Dust2 дээр Falcons эхний хагаст 10 раунд авч, 13-6-аар хожиж финалд шалгарсан.
Энэ улиралд Spirit "Bounty Spring 2025", Vitality "Open Spring 2025"-ийг тус тус түрүүлсэн багууд нөгөө талд учраа таарсан.Vitality эхний мапын эхний хагасыг 11-1-ээр илт илүүрхсэн. Хоёрдугаар хасагт Spirit 6 дараалсан раунд авч эргэн ирэлт хийхийг оролдсон ч тоглолт 13-8 дууссан. Тоглолтын хоёрдугаар мап Nuke-д Vitality үргэлжлүүлэн давамгайлан 13-9-ээр ялалт байгуулж финалд шалгарав.
Финал: Vitality vs Falcons (3-2)
Өмнөх долоо хоногт болсон IEM Melbourne 2025-ийн финалд хоорондоо тоглосон хоёр баг дахин финалд шалгараад байлаа. Мапын сонголт, тоглолтын үр дүн хүртэл ижил байв.
Inferno-д Falcons 13-9 ялалт байгуулж эхэлсэн бол Dust2-д Vitality 13-6 ялалт байгуулж тэнцүүлсэн. Train дээр мөн 13-6 ялалт авч, Mirage мап руу шилжсэн. Mirage дээр Falcons 12-3 онооны давуу талтай байсан ч ZywOo багтайгаа 9 дараалсан раунд авч эргэн ирэлтийг яруу тодоор хийсэн. Тэнцүүхэн нэмэлт цагын төгсгөлд m0NESY-ийн ачаар Falcons ялалт байгуулж шийдвэрлэх тав дахь мапыг тоглохоор болсон. Долоо хоногийн өмнө гурван удаагийн нэмэлт цагийн эцэст шийдвэрлэгдсэн уг мап дээр энэ удаад ZywOo болон ropz нийлээд 44 удаа эсрэг багийнхаа тоглогчдыг устгаж, NiKo болон m0NESY-ийн нийлбэр 21 киллийг хоёр дахин давсан байв. Улмаар Vitality 13-8 харьцаагаар ялалт байгуулж, цувралыг 3-2-оор хаасан.
Ийнхүү Vitality энэ улиралд тав дахь удаагаа том тэмцээнд түрүүлж, $125,000 ам.долларын шагнал хүртсэн. Франц ахлагч Mathieu “ZywOo” Herbaut тав дараалсан HLTV болон 1xBet-ийн MVP шагналыг хүртэж, нийт карьерынхаа 25 дахь удаагаа MVP шагналыг хүртсэн нь цахим спортын түүхэн дээд амжилт боллоо.
Тун удалгүй IEM Dallas 2025 болон BLAST.tv Austin Major 2025 гэх чухал тэмцээнүүд зохион байгуулагдах болно.
