NBA аваргын бөгж бол хувь тоглогч болон багийн амжилтын оргил билээ. Тухайн цаг үеийнхээ хамгийн шилдэг нь байж бүхнээ зориулсан ч гэлээ энэ цомыг хүртэж чадалгүй үлдэх тохиолдол бий. 1xBet Монголын хамт олны зүгээс та бүхэнд аваргын бөгж зүүж үзээгүй таван домогт тоглогчдыг танилцуулж байна.

Элжин Бэйлор (Elgin Baylor)

Өөрийн үеийн хамгийн шилдэг тоглогчдын нэг байсан Элжин Бэйлор бол Леброн Жеймсийн өмнөх үеийн “Леброн Жеймс” байлаа. Түүний уян налархай хөдөлгөөн, довтлох олон төрлийн арга барил, гайхалтай үсрэлт нь үзэгчдийн сэтгэлийг байлдан дагуулж байв. Анхны улиралдаа л шилдэг рүүки буюу "Шилдэг шинэ тоглогч" цол хүртэж, супер од болон гялалзсан тэрээр 11 удаа бүх оддын тоглолтод, 10 удаа бүх NBA-ийн нэгдүгээр багт тус тус багтсан. Бэйлорийн удирдсан Лейкерс финалд 8 удаа шалгарсан ч бүгдэд нь ялагдсан. 1968–69 оны улиралд Жерри Вэст, Уилт Чемберлентэй хамт тоглосон ч финалын 7 дахь тоглолтод ялагдсан нь түүний замналын хамгийн харамсалтай мөчүүдийн нэг. Хамгийн хачирхалтай нь, тэрээр 1971–72 оны улирлын эхэнд зодог тайлсан ба тухайн улиралд Лейкерс аварга болсон.

Карл Мэлоун (Karl Malone)

“The Mailman” хочит Карл Мэлоун бол NBA-ийн түүхэн дэх хамгийн ноёрхогч довтлогчдын нэг. Тэрбээр 2 удаагийн MVP, 14 удаагийн бүх одод, 11 удаа бүх NBA-ийн нэгдүгээр багт багтаж байсан амжилттай. Жон Стоктонтой хамт “pick-and-roll” хослолыг дээд түвшинд хүргэсэн бөгөөд лигийн түүхэнд Карим Абдул-Жаббар, Леброн Жеймс нарын дараа хамгийн олон оноо авсан тоглогчоор нэрлэгддэг. Мэлоун нь 1997 ба 1998 онд Юта Жаз багийг финалд хүргэсэн ч хоёуланд нь Майкл Жорданын Чикаго Буллст ялагдсан. Харин 2003–2004 оны улиралд Лейкерст ирж дахин аваргын төлөө өрсөлдсөн ч Детройт Пистонст ялагдаж зодог тайлсан.

Чарльз Баркли (Charles Barkley)

Чарльз Баркли нь өөрийн үеийн хамгийн авьяаслаг, харизмтай тоглогчдын нэгээр зүй ёсоор нэрлэгддэг байв. Хүмүүс түүний биеийн хэлбэрийг хараад NBA-ийн супер од гэж бодохгүй байж магадгүй ч тэр үнэхээр хүчирхэг, хурдтай, ухаалаг тоглогч байв. 11 удаагийн бүх одод тэрбээр 5 удаа бүх NBA-ийн нэгдүгээр багт багтсан. 1992-93 оны улирал бол түүний аварга авах хамгийн өндөр боломжтой байсан улирал байв. Тэрбээр энэ улиралд Финикс Санс багт ирж улирлын MVP болсон бөгөөд баг нь финалд шалгарсан ч мөн л Майкл Жорданын Буллст ялагдсан.

Арвидас Сабонис (Arvydas Sabonis)

Олон улсын сагсанбөмбөгийн домог болсон Сабонисийн NBA-д ирэх мөчийг дэлхий даяар олон жил хүлээсэн. Түүний өндөр, хүч чадал, талбайн алсын хараа, гайхалтай дамжуулалт нь түүнийг түүхэн дэх хамгийн авьяаслаг төвийн тоглогчдын нэг болгосон. Портланд Трэйл Блэйзерс багийн төвийн тоглогч байсан тэрбээр 2 удаа бүх оддын тоглолтод сонгогдож байсан. Гэвч 2000 онд Лейкерст хожигдсон нь түүний аварга авах мөрөөдлийг үгүй хийсэн. Хэрвээ өөрийн ид үедээ NBA-д ирсэн бол финалд хэд хэдэн удаа тоглох боломж түүнд байсан гэдэгт сагсанбөмбөг сонирхогчид бүрэн итгэдэг.

Яо Мин (Yao Ming)

Хятадаас төрсөн анхны супер од болсон Яо Мин NBA-д шуугиан тарьж, Азийн сагсан бөмбөгийг дэлхийд таниулсан. Түүний өндөр, төвийн байрлалаас гүйцэтгэх ур чадвар, өндөр хувьтай шидэлт нь түүнийг лигийн хамгийн аюултай төвийн тоглогчдын нэг болгосон. Гэвч гэмтэл түүнийг байнга зовоож байсан. Яо 8 удаа бүх оддын тоглолтод, 5 удаа бүх NBA-ийн багт багтсан ч аваргын төлөө тоглох боломж хязгаарлагдмал байв. 2008–09 оны улиралд тэрбээр аварга авах хамгийн өндөр боломжтой байсан ч Хьюстон Рокетс хоёрдугаар шатанд Лейкерстэй тулгарч, 7 тоглолтод хүрсэн ч 3 дахь тоглолтод Яо хөлийн гэмтэл авснаар цувралд үргэлжлэн оролцож чадаагүй.

Эдгээр таван тоглогч хэзээ ч NBA аварга болж амжаагүй ч тэдний карьер нь сагсан бөмбөгийн түүхэнд маш тодоор үлджээ. Тэдний үзүүлсэн амжилт, гайхалтай тоглолтууд нь дараагийн үеийн тамирчид болон фенүүдийг, тэр дундаа 1xBet Монголын хэрэглэгчдийг өнөөдрийг хүртэл урамшуулсаар байна.