ХАМАС бүлэглэл Газын зурваст хоригдож байгаа Америкийн сүүлчийн амьд хүн болох Эдан Александрыг удахгүй суллахаа мэдэгдлээ. ХАМАС-ын хэлэлцээний багийн ахлагч хэлэхдээ, тэд "сүүлийн хэдэн өдрийн турш" АНУ-ын засаг захиргаатай харилцаж, түүнийг суллахад нааштай хэлэлцээр хийсэн гэв.
ХАМАС хоёр сар гаруй үргэлжилсэн Израилын бүслэлтийн дараа Газын зурвасыг нээж, хүмүүнлэгийн тусламж авчрах гал зогсоох алхмуудын нэг хэсэг болгон Александрыг суллахаа мэдэгдэв.
Халил Аль-Хайяа мэдэгдэлдээ "Эрчимтэй хэлэлцээг нэн даруй эхлүүлж, дайныг зогсоох, олзлогдогсдыг харилцан тохиролцсон байдлаар солилцох, Газын зурвасыг зохицуулах талаар эцсийн тохиролцоонд хүрэхийн тулд нухацтай хүчин чармайлт гаргахад бэлэн байгаагаа баталж байна" гэж мэдэгджээ.
Александрын гэр бүл Эх үрсийн баярыг тохиолдсон энэ мэдээг “санаж болох хамгийн том бэлэг” хэмээн тодорхойлж, АНУ-ын Ерөнхийлөгч Доналд Трамп, түүний Ойрхи Дорнод дахь төлөөлөгч Стив Виткофф болон АНУ-ын засаг захиргаанд “үүнийг бүтээхийн төлөө уйгагүй хөдөлмөрлөсөнд” талархал илэрхийлэв.
"Truth Social"-д нийтэлсэн нийтлэлдээ Трамп энэхүү үйл явдлыг өндрөөр үнэлж, үүнийг "АНУ-ын төлөө хийсэн сайн санааны алхам бөгөөд зуучлагч Катар, Египетийн энэхүү маш харгис дайныг зогсоож, бүх амьд барьцаалагдсан хүмүүсийг ойр дотны хүмүүст нь буцааж өгөхийн тулд хийсэн хүчин чармайлт" гэж тодорхойлсон байна.
Л.Баяр
