Английн шигшээ багийн ахлагч Харри Кане одоо тоглож буй Германы алдарт Байерн Мюнхен багийнхаа хамтаар 2024-25 оны Бундеслигийн аварга цолыг хүртсэн. Нөгөө талд Өмнөд Солонгосын шигшээ багийн ахлагч Сон Хён Мин Тоттенхэм Хотспур багийнхаа хамтаар урд шөнө Манчестер Юнайтедийг 1:0-ээр хожиж, 2025 оны УЕФА Европын лигийн аваргын цомыг өргөлөө.

30 насыг нэгэнт гэтэлсэн тэдний хувьд Английн хойд Лондонгийн Тоттенхэм Хотспур багт найман жил цуг тоглосон. Харри Кане 2009-2023 оны хооронд тоглож, 317 тоглолтод 2013 гоолыг оруулжээ. Харин Сон уг багт 2015 оноос эхлэн тоглож байгаа бөгөөд 333 тоглолтод 127 гоолыг оруулсан байна. Тэдний хувьд Тоттенхэм эр хоёр загас шиг л тоглолтын хослолоороо гайхагдсан шилдгүүд байв. 

Гэвч хачирхалтай нь тэд уг багт цуг байхдаа нэг ч цом өргөж үзээгүй аж. Улмаар 2023 онд Харри Кане Байерн Мюнхен багт ирснээр Тоттенхэм Хотспурын амжилт мэдэгдэхүйц өөрчлөгдсөн гэж хэлж болно. Ямартай ч нэг багт удаан хугацаанд тоглосон андууд салсан цагаасаа туршлага заасан сайн тоглолтуудыг үзүүлсээр тус тусын багтаа аваргын цом өргөжээ. 

Л.Баяр