IEM Dallas 2025 тэмцээн дөрөвдүгээр сарын 27-нд эхэлж, эхний өдөр тааварлашгүй тоглолтуудаар дүүрэн байлаа. Зарим багууд визний асуудлаас болж сэлгээний тоглогчтой оролцсон бол Aurora болон FURIA багууд тэмцээн эхлэхээс ердөө хэдхэн цагийн өмнө АНУ-д газардсан. Гэсэн ч хамгийн их хүлээлттэй мөч бол домогт тоглогч Олександр “s1mple” Костылев-ийн FaZe Clan багийн бүрэлдэхүүнд багтаж хийсэн анхны тоглолт байв.
A хэсэгт ялалт байгуулах төлөвтэй байсан хүчирхэг багууд өрсөлдөгч багуудаа харьцангуй амархан хожлоо. Vitality баг Legacy-г 13:5, 13:11 харьцаатайгаар ялсан бол G2 Esports Хятадын Lynn Vision-ыг 13:6, 13:9-өөр хожив.
Монголын The MongolZ баг FURIA-гийн эсрэг тулж, хоёр мап дээр ижил 13:7 харьцаагаар ялалт байгуулсан. 3DMAX болон GamerLegion хоёрын тоглолт хамгийн ойрхон өрсөлдөөнтэй нь байв. 3DMAX Anubis дээр 13:4-өөр давамгайлсан ч GamerLegion Ancient дээр 13:9-өөр хариу барьсан. Шийдвэрлэх Nuke мап дээр эхний хагас 6:6-гаар тэнцүү байсан ч GamerLegion эцэст нь 13:11-ээр ялалт байгуулсан. Ийнхүү A хэсгийн дээд шатны оноолт: Vitality vs GamerLegion, The MongolZ vs G2 Esports, доод шатанд: Legacy vs 3DMAX, FURIA vs Lynn Vision гэсэн хослолууд бүрдлээ.
B хэсгийн хамгийн их хүлээлт үүсгэсэн тоглолт бол Team Liquid vs FaZe Clan байв. Энэхүү тоглолтоор s1mple шинэ багтаа анх удаа албан ёсны тоглолт хийсэн юм. Valve-ийн чансаагаар Liquid 12-т, FaZe 8-т бичигдэж байгаа ч 1xBet Монголын шинжээчдийн үзэж байгаагаар Liquid илүүрхэх хандлагатай байсан. Учир нь тэд улирлын турш бүрэлдэхүүндээ NertZ (HEROIC), siuhy (MOUZ) нарыг нэгтгэн хэд хэдэн тэмцээнд оролцоод байсан ба өөрсдийн тогтсон тоглолтын хэв маягтай болсон. Харин FaZe Clan-д s1mple тэмцээнээс долоо хоногийн өмнө нэгдсэн бөгөөд rain-ий оронд skullz-г авч оролцуулсан нь шинэ тоглогчдын хувьд багт зохицох хугацаа бага байв.
Тоглолтын хувьд Liquid хоёр мап дараалсан 13:10 ялалт байгуулж, хүлээлтэд хүрсэн. Гэсэн ч s1mple ганцаараа шилдэг тоглолтыг үзүүлж нийт 38/31 K/D, 1.12 рейтинг үзүүлж тус тоглолтын багийнхаа хамгийн сайн тоглогч болсон. Хамгийн гол нь, s1mple бэлтгэлтэй, буцаж ирэхэд бэлэн гэдгээ нотолсон. Энэхүү тоглолтыг дэлхий даяар 803,791 хүн шууд үзсэн нь IEM Dallas 2025 тэмцээний нээлтийн өдрийн хамгийн их үзэгчтэй тоглолт болсон. Харин өнгөрсөн жилийн финал Vitality vs G2 нь 823,000 дээд үзэлттэй байв.
B хэсгийн бусад тоглолтод MOUZ баг BC.Game-ийг хоёр удаа 13:9-өөр хожсон бол Falcons баг NRG-г 13:6, 13:5-оор бут ниргэв. HEROIC ба Aurora хоёрын тоглолтод Aurora эхний мап Dust2-г 13:9-өөр хожсон ч Anubis дээр 10:13, Mirage дээр 6:13 гэх харьцаатай хоёр дараалан хожигдсон. Ингээд B хэсгийн дээд шатны тоглолтууд: MOUZ vs Liquid, HEROIC vs Falcons, доод шатанд: BC.Game vs FaZe Clan, Aurora vs NRG гэсэн хослолуудаар үргэлжилнэ.
1xBet Монголоос танд сануулахад IEM Dallas 2025 тэмцээний хасагдах шат дөхөж шилдэг багууд хоорондоо тулалдах гэж байна. Монголын The MongolZ баг энэ тэмцээнд оролцож буй тул тэдэндээ урам өгч, хамтдаа ялалтыг нь хүлээн авцгаая!
