Баярхүүгийн Бат-Өлзий нь Ховд аймгийн Зэрэг сумын харьяат, үндэсний бөхийн улсын заан цолтой бөх. 1992 оны зургадугаар сарын 8-нд төрсөн. 2022 оны Улсын наадамд долоо давж Улсын заан цол хүртсэн. Тэрбээр Монгол бөхийн өргөөний барилдаанд нийт 33 удаа түрүүлж, 18 удаа үзүүрлээд байна.

Б.Бат-Өлзий нь 2013 оны Бүх цэргийн баяр наадамд тав давж шөвгөрөн "Цэргийн начин" цол хүртсэн. Тухайн жилээ Ховд аймгийн баяр наадамд зургаа давж шөвгөрөн "Аймгийн харцага" цол хүртсэн. 2014 оны Ховд аймгийн баяр наадамд аймгийн харцага Б.Тайванд өвдөг шороодон үзүүрлэж "Аймгийн заан" цол хүртсэн. Мөн тус жилээ Орхон аймгийн баяр наадамд аймгийн заан Д.Бадамгараваар найм даван түрүүлж "Аймгийн арслан" цол хүртсэн. 2016 оны Бүх цэргийн баяр наадамд зургаа давж шөвгөрөн чимэг нэмсэн.

Улсын наадмын дэвжээнд:

2016 оны АХ-ын 95 жилийн ойн баяр наадамд улсын начин Л.Нямсүрэнгээр дөрөв, улсын начин Б.Амарзаяагаар тав, аймгийн арслан Д.Анараар зургаа даван шөвгөрч "Монгол улсын харцага" цол хүртсэн. 2019 оны АХ-ын 98 жилийн ойн баяр наадамд аймгийн арслан Б.Отгонбаатараар дөрөв, аймгийн арслан Б.Бат-Амгалангаар тав даван шөвгөрч чимэг нэмсэн. 2022 оны АХ-ын 100, 101 жилийн ойн баяр наадамд аймгийн арслан Ч.Эрдэнэсайханаар дөрөв, улсын начин Б.Ганхуягаар тав, аймгийн заан Э.Энх-Амгалангаар зургаа, улсын харцага Н.Золбоогоор долоо давж " Монгол улсын заан " цолыг хүртсэн. 2023 оны АХ-ын 102 жилийн ойн баяр наадамд аймгийн арслан Э.Мөнхжаргалаар дөрөв давж тавын даваанд аймгийн хурц арслан Э.Ууганбаярт өвдөг шороодсон. 2024 оны АХ-ын 103 жилийн ойн баяр наадамд аймгийн арслан Э.Мөнх-Эрдэнээр дөрөв давж тавын даваанд аймгийн хурц арслан М.Амарсанаад өвдөг шороодсон.

Аймаг, цэргийн цолтны барилдаанд: 

1. 2016/06/12 - Чингэлтэй хайрханы ХИШИГ барилдаан
2. 2015/02/01 - МУ-ын начин "Улаан Гуталт" хэмээх М.Цэрэндоржийн нэрэмжит аймаг цэргийн цолтой бөхийн барилдаан
3. 2015/01/11 - "Талх Чихэр" ХК-ийн нэрэмжит аймаг цэргийн цолтой бөхийн барилдаан
4. 2014/05/18 - Замын-Үүдийн 20 жилийн ойд зориулсан Аймаг цэргийн цолтой бөхийн барилдаан

Улс, аймгийн цолтны барилдаанд:

1. 2025/05/25 - Өмнөговь аймгийн Манлай сумын харьяат, улсын арслан Гомбо-Аюушийн Дэмүүлийн нэрэмжит барилдаан
2. 2025/05/24 - Баянхонгор аймгийн Баацагаан сумын харьяат, улсын начин Агвааны Норовын нэрэмжит барилдаан
3. 2025/05/04 - Ховд аймгийн Чандмань сумын 100 жилийн ойд зориулсан, улсын начин Идэшийн Мөнхбаатарын нэрэмжит барилдаан
4. 2025/03/30 - Увс аймгийн 100 жилийн ойд зориулсан барилдаан
5. 2024/05/26 - Ховд аймгийн Дарви сумын 100 жилийн ойд зориулсан, улсын начин Равдангийн Даваадалайн нэрэмжит барилдаан
6. 2024/05/10 - Увс аймгийн Тэс сумын 100 жилийн ойд зориулсан барилдаан
7. 2024/04/20 - Архангай аймгийн Жаргалант сумын 100 жилийн ойд зориулсан, улсын арслан Баатарын Төрбат, улсын харцага Арцын Гончиг, улсын начин Готовын Баасанжав нарын нэрэмжит барилдаан
8. 2024/03/02 - Төв аймгийн Баян сумын 100 жилийн ойд зориулсан барилдаан
9. 2024/01/13 - Шинэ үндсэн хууль батлагдсаны 32 жилийн ойд зориулсан барилдаан
10. 2023/11/26 - Бүгд найрамдах улсаа тунхаглаж, анхдугаар үндсэн хуулиа баталсны 99 жилийн ойд зориулсан барилдаан
11. 2023/11/05 - Монгол улсад авто замын салбар үүсэж хөгжсөний 94 жилийн ой, автозамчдын баярт зориулсан барилдаан
12. 2023/10/28 - Нийслэл Улаанбаатар хот үүсэн байгуулагдсаны 384 жилийн ойд зориулсан барилдаан
13. 2023/03/12 - Өмнөговь аймгийн Манлай сумын харьяат, Улсын арслан Гомбо-Аюушийн Дэмүүлийн нэрэмжит барилдаан
14. 2023/02/19 - Үзэсгэлэн болгогч хэмээх усан туулай жилийн сар шинийн баярт зориулсан улс, аймгийн цолтой бөхчүүдийн барилдаан
15. 2023/02/05 - "Жем Интернэшнл" ХК-ийн нэрэмжит, Монгол улсын харцага цолны хүндэтгэлийн барилдаан
16. 2022/06/26 - "Мөнхийн Үсэг" группийн 30 жилийн ойд зориулсан, наадмын сорилго барилдаан
17. 2022/06/12 - Булган аймгаас төрөн гарсан дөрвөн аваргын нэрэмжит барилдаан
18. 2022/04/07 - Ардчиллын баярт зориулсан барилдаан
19. 2021/12/29 - Тусгаар тогтнолоо сэргээн мандуулсны 110 жилийн ойн барилдаан
20. 2021/12/25 - Хоршоологчдын холбооны 100 жилийн ойд зориулсан барилдаан
21. 2021/08/17 - Монгол улсад Залуучуудын байгууллага үүсч хөгжсөний 100 жил, МҮБХ-ны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан "ҮНДЭСНИЙ БӨХ-ҮНЭТ ӨВ" хүчит бөхийн барилдаан
22. 2019/12/29 - Тусгаар тогтнолоо сэргээн мандуулсны 108 жилийн ойн барилдаан
23. 2019/12/07 - Ардчилсан хувьсгалын 30 жилийн ойн барилдаан
24. 2019/04/27 - Монгол улсын заан, морьт отръядын жанжин Ч.Мижидийн нэрэмжит Улсын заан цолны хүндэтгэлийн барилдаан
25. 2019/04/07 - Ардчилсан намын 29 жилийн ойн барилдаан
26. 2018/02/15 - Тийн унжлагат хэмээх шороон нохой жилийн сар шинийн баярт зориулсан барилдаан
27. 2017/12/09 - Ардчилсан хувьсгалын 28 жилийн ойн барилдаан
28. 2017/12/03 - Эйртранс ХХК үүсэн байгуулагдсны 20 жилийн ойн Улс аймгийн цолтой бөхийн барилдаан
29. 2017/11/05 - Баянгол дүүргийн дэргэдэх Жанрайсаг бурханы авшиг "Хатан Туул" голын хишиг барилдаан

Л.Баяр