Кристиано Роналду өнгөрөгч мягмар гарагт ээлжит гоолоо хийснийхээ дараа сошиал сүлжээнд нууцлаг мессеж бичсэн нь түүний ирээдүйн тухай эргэлзээг олон хүнд төрүүлэх шиг болов.
Даваа гарагт Саудын Арабын Про лигийн улирлын сүүлийн өдөр Аль Насср Аль Фатед 3:2-оор хожигдсон. Уг тоглолтод Португалын од Роналду гоол оруулсан. Роналдугийн тоглож буй "Аль Насср" аварга Аль Иттихадаас 13 онооны зөрүүтэй гуравдугаар байрт шалгарч, ирэх улирлын AFC аваргуудын лигт оролцох эрхээ авсан юм.
Энэ нь Роналдогийн энэ улирлын 25 дахь гоол байсан нь өнгөрсөн улирлын шилдэг мэргэн буучийн титэмээ хадгалсан гэсэн үг. Гэсэн хэдий ч 40 настай тэрбээр тоглолтын дараа олон нийтийн сүлжээнд нууцлаг нийтлэл бичиж, "ирэх улиралд наймаагаа хаана хийх вэ?" гэсэн асуултыг тавьсан.
Тэрбээр "Энэ бүлэг дууслаа. Түүх үү? Бичиж байна. Бүгдэд нь баярлалаа" гэж Аль Нассрын өмсгөлтэй зургийнхаа хамт нийтэлжээ. 2022 онд Аль Нассрд нэгдсэнээсээ хойш Роналду 105 тоглолтод оролцохдоо 93 гоол оруулжээ. Түүний гэрээ энэ улирлын төгсгөлд дуусч, хүссэн багтайгаа гэрээ байгуулах эрх чөлөөтэй болох юм.
Испанийн "Marca" хэвлэл өнгөрсөн долоо хоногт Бразилын нэрээ нууцалсан клуб Роналдуд энэ зун АНУ-д зохион байгуулагдах шинэчлэгдсэн хөлбөмбөгийн клубуудын дэлхийн аварга шалгаруулах тэмцээнд оролцох санал тавьсан тухай мэдээлжээ. Тэмцээнд Бразилаас Ботафого, Флуминесе, Фламенго, Палмейрас багууд оролцож байгаа учир эдгээрийн нэг байхаас гарцаагүй юм.
Л.Баяр
