Монголын хүүхдийн спортын VIII наадмын нээлт боллоо. Нээлтийн үеэр спортын наадамд оролцож буй Б.Чимэгсайхантай ярилцлаа.

-Хүүхдийн спортын наадамд хэд дэх жилдээ оролцож байна вэ? 

-Би Багахангай дүүргээ төлөөлөн оролцож байгаа. Энэ жил анх удаа хүүхдийн спортын наадамд оролцож байна. 

-Тэквондогоор хэзээнээс хичээллэж эхэлсэн бэ? 

-2025 он гарснаас хойш тэквондогийн спортоор хичээллэж эхэлсэн. Багаасаа л тулааны спорт сонирхолтой санагддаг байсан. Гэхдээ манай сургуульд тэквондогийн клуб хичээллэдэггүй байсан. Харин гурван жилийн өмнөөс нээгдсэн байсныг энэ жил л мэдсэн. Мэдсэн даруйдаа хичээллэхээр элссэн. 

Саяхан 30 дахь удаагийн улсын аварга шалгаруулах тэмцээнд ороод мөнгөн медаль хүртсэн. 

-Тэквондогоор хичээллэхийн хүнд хэцүү зүйл нь юу байв? 

-Би спорт гэхээсээ илүү урлагаар явдаг хүүхэд байсан. Тулааны спорт гэдэг бол үнэхээр өөр түвшний зүйл гэдгийг ойлгосоор байгаа. 500 метрт ч гүйж чаддаггүй байсан юм. Харин одоо амьсгаа задраад, бие бялдар илүү хөгжиж байгаа. Спортоор хичээллэж эхлээд өөрийнхөө шинэ талыг олж харсан. 

-Өнөөдрөөс уралдаан тэмцээнүүд нь эхэлж байна. 21 аймаг, есөн дүүргээс маш олон хүүхдүүд ирсэн байна шүү дээ. 

-Миний хувьд анхны жил учир маш их догдолж байна. Мөн надаас илүү маш мундаг олон хүүхдүүд байгаа болохоор сандарч байна. 

Д.Батчулуун