2025 оны анхны Counter-Strike 2-ийн Major тэмцээн болох BLAST.tv Austin Major хэдхэн хоногийн дараа эхлэхэд бэлэн болоод байна. Тэмцээний урилгууд хуваарилагдаж байх үед буюу 2025 оны 4-р сарын 7-нд Valve-ын дэлхийн чансаагаар The MongolZ 4-р байрт жагсаж Азийн бүсийг тэргүүлж байсан нь тэднийг шууд гуравдугаар шатнаас тэмцээнийг эхлүүлэх "элит" 8 багийн нэг болгосон.
Хэрвээ чансааны байдлаар авч үзвэл плей-оффт шалгарах магадлалтай найман баг бол Vitality, MOUZ, Spirit, Aurora, NAVI, G2, Liquid, болон The MongolZ. 1xBet Монголын хамт олноос бидний үндэсний бахархал болох The MongolZ багтай өрсөлдөх магадлалтай багуудыг нэг бүрчлэн танилцуулж байна.
G2: Урилга хуваарилснаас хойш G2 багийнхаа хамгийн шилдэг тоглогч болох m0NESY-г алдаж, улмаар аваргын төлөөх өрсөлдөөнөөс бараг мултарсан. Хэрвээ The MongolZ баг плей-оффт шалгарвал G2-г ялж хожлын амархан оноо авах боломжтой.
Aurora: 1xBet-ийн албан ёсны ивээн тэтгэгч багуудын хоорондын тулаан. Хоёр баг 7 удаа таарч тоглоход The MongolZ 4 ялалт байгуулсан ба сүүлд зохион байгуулагдсан PGL Astana 2025 тэмцээнд Aurora, IEM Dallas 2025 тэмцээнд The MongolZ тус тус ялалт байгуулсан.
Liquid: Тоглолтын чанарын хувьд тааруухан яваа Liquid багийн цорын ганц давуу тал бол Америкт болох тэмцээний үзэгчдийн дэмжлэг. Гэсэн ч баг нь бүрэн гадаад тоглогчдоос бүрддэг тул энэ давуу тал ч бүрэн хэрэгжихгүй байж магадгүй.
NAVI: Домогт NAVI-г үл тоомсорлож болохгүй. Тэд хэн ч найдлага тавиагүй байхад PGL Major Copenhagen 2024-д түрүүлж байлаа. Харин энэ улиралд ямар нэгэн тэмцээний финалд хүрч чадаагүй байгаа тэд энэ тэмцээнд амжилт үзүүлэхгүй болбол бүрэлдэхүүндээ өөрчлөлт оруулах өндөр магадлалтай. Энэ нь тоглогчдод ихээхэн сэтгэлзүйн дарамт үүсгэх магадлалтай.
MOUZ: Valve-ын чансаагаар хоёрдугаарт жагсаж байгаа ч 1xBet-ийн шинжээчдийн үзэж байгаагаар түрүүлэх магадлалын хувьд дөрөвдүгээр байранд бичигдэж байна. Vitality-тай энэ онд гурван удаа финалд таарч, бүгдэд нь ялагдсан нь ялалт байгуулах мэдрэмж дутмаг байгааг харуулж байна.
Spirit: Дэлхийн хамгийн ирээдүйтэй залуу тоглогч donk-ийг эгнээндээ нэгтгэж, Perfect World Shanghai Major 2024-д түрүүлсэн тэд аваргын цолоо хамгаалахаар ирж байгаа.
Falcons: Анхны major тэмцээндээ аваргын төлөө тэмцэх зорилготой энэ багт NiKo болон m0NESY гэх хоёр од нэгджээ. Тэдний сүүлийн форм Vitality-тай өрсөлдөхүйц байгаа бөгөөд ямар ч баг эхний шатанд Falcons-той таарахыг хүсэхгүй.
Vitality: Одоогоор дэлхийн хамгийн хүчтэй баг. Тэд 30 тоглолт дараалан ялалт байгуулаад байгаа бөгөөд багийн гол тоглогчид болох ZywOo, ropz, apEX нар бүгд өндөр формтой байна. Moody Center-ийн гол тайзан дээр энэ багийг ялна гэдэг маш хүнд даалгавар байх болно.
