Олон жилийн турш Парис Сен-Жермен багийн нүүр царай нь Златан Ибрахимович, Нэймар, Месси, Килиан Мбаппе нарын дэлхийн хэмжээний од тоглогчид байлаа. Уг тоглогчид ч Лиг 1-д тогтмол ялалт байгуулж фэнүүдээ баярлуулдаг байв. Од тоглогчдыг цуглуулах бодлого нь багийг дотоодын тэмцээнүүдэд үнэмлэхүй давамгайлсан Францын хамгийн амжилттай клуб болгосон.
Парис Сен-Жермен өнөөдрийг хүртэл нийт 13 удаагийн Лиг 1, 16 Францын цом, 13 Супер цомын эзэн болоод байна.
Гэвч Парис Сен-Жермений удирдлагуудын жинхэнэ мөрөөдөл бол олон улсын тэмцээний амжилт байсан. Парисчууд Европын хамгийн нэр хүндтэй цом болох Аваргуудын лигт урьд өмнө хэзээ ч түрүүлж байгаагүй бөгөөд олон жилийн турш цомыг бараг л атгаад алдсан туршлагууд олон бий. Олон улсын спорт тааврын брэнд 1xBet-ийн албан ёсны түншээр ажилладаг PSG 2023-24 оны улиралд бүрэн шинэчлэл хийж, дасгалжуулагч Луйс Энрикег томилсон. Тэрбээр “оддын баг”-ийг “одод бүхий баг” болгон өөрчлөх зорилготой байв. Зөвхөн залуу, авьяаслаг тоглогчдыг элсүүлдэг шинэ бодлого хэрэгжиж, багт Виллиан Пачо, Лукас Бералдо, Дэзирэ Дуэ, Нуно Мендеш, Брэдли Баркола зэрэг залуусыг нэгтгэсэн. Гэвч Испани дасгалжуулагчийн эхний улиралд баг нь Аваргуудын Лигийн хагас шигшээд Борусси Дортмундод ялагдсан.
Харин 2024–25 оны Аваргуудын лигт Парис Сен-Жермений эхлэл бүр ч муу байв. Хэсгийн шатны эхний таван тоглолтоос ердөө нэг хожил авч, бараг тэмцээнээс хасагдахад ойртсон байлаа. Гэвч хүнд үед Луйс Энрике багтаа урам зориг өгч, багийн сэтгэлзүйг эргүүлж чадсан.
Сүүлийн гурван тоглолтод дараалан ялалт байгуулснаар Парис Сен-Жермен оноогоо нөхөж, хасагдах шатанд шалгарч чадсан. Үүнээс хойш Парисчууд итгэмээргүй тоглолтууд үзүүлж, Английн гурван баг болох Ливерпүүл, Астон Вилла, Арсенал багуудыг дараалан ялж, тэмцээнээс хассан.
Финалын тоглолт тавдугаар сарын 31-нд Мюнхений Аллианз Арена цэнгэлдэхэд болсон бөгөөд Парис Сен-Жермений эсрэг Интер Милан баг өрсөлдсөн. Интер өмнө нь тэмцээний шилдэг багуудын нэг болох Барселонаг эцсийн мөчид хожсон ч финалд Парисын довтолгооны өмнө сөхрөн унасан. 12 дахь минутад Витиньягийн гоёмсог дамжуулалтаар Дэзирэ Дуэ дамжуулалт өгч, Хакими бөмбөгийг хаалганд оруулсан.
Хэдхэн минутын дараа Дуэ Дэмбелэгийн дамжуулалтаар хүчтэй цохисон нь Интерийн хамгаалагч Димаркогоос ойж хаалганд орсон. Эцэст нь тоглолт 5-0 харьцаатай өндөрлөж, Аваргуудын лигийн түүхэн дэх хамгийн том ялалт болж бүртгэгдсэн.
Энэ ялалтаар Парис Сен-Жермен багийнхаа түүхэнд анх удаа Европын аваргуудын цомыг хүртэж, энэ улиралд гурван цомын эзэн болж чадсан. Түүхэнд Францын нэг л баг буюу Олимпик Марсель энэ цомыг 1993 онд Миланыг 1-0-ээр хожин хүртэж байсан билээ. Одоо Парисын баг Францыг Европын хөлбөмбөгийн оргилд дахин авчирлаа. Гэхдээ баярын уур амьсгал удаан үргэлжлэхгүй. Зургадугаар сарын 15-нд Парис Сен-Жермен Клубуудын дэлхийн аваргын анхны тоглолтдоо Атлетико Мадридын эсрэг хийнэ.
