BLAST.tv Austin Major 2025 тэмцээний хоёрдугаар шат Legacy багийн гайхамшиг, Falcons багийн сэтгэл гонсойлгосон тоглолт, мөн FaZe Clan-ийн сүүлчийн боломжийг ашигласан агшин зэрэг онцлох үйл явдлуудаар дүүрэн өнгөрлөө.
Америкийн нэгдсэн улсад зохиогдож буй энэхүү томоохон тэмцээний хоёрдугаар шат нь эхний шатнаасаа хавьгүй илүү сонирхолтой болж, үзэгчдэд олон гэнэтийн бэлэг барилаа. 1xBet Монголын зүгээс BLAST.tv Austin Major 2025 тэмцээний хоёрдугаар шатны хамгийн сонирхолтой үйл явдлуудыг тоймлон хүргэж байна.
3-0 харьцаатай нэг ч ялагдал хүлээлгүйгээр дараагийн шатанд шалгарсан багууд бол Legacy болон Virtus.pro. Counter-Strike 2-ын ихэнх шүтэн бишрэгчид тэмцээний үр дүнг тааварладаг Pick’Ems-ээ бөглөхдөө хоёрдугаар шатанд тоглосон хамгийн хүчирхэг багууд болох Falcons, FaZe Clan, HEROIC-ийг 3-0-ийн сагсанд оруулсан байв. Гэвч хоёрдугаар шатны эхний тоглолуудаас эхлээд л үзэгчдийн таамаг эвдэгдэж эхэлсэн. Valve-ийн чансаагаар 49-р байранд бичигдсэн Legacy баг гуравдугаар шатанд шалгарсан анхны баг болсон ба уг баг Өмнөд Америкийн сонгон шалгаруулалтаас эрхээ авсан Аргентиний BESTIA багийн тоглогчид нь АНУ-ын визээ цагт нь авч чадаагүй тул тэднийг орлож уг тэмцээнд оролцох боломжтой болсон юм. Legacy эхний шатыг 3-2 харьцаатай арай ядан давсан. Хоёрдугаар шатны эхний тоглолтод Legacy нутаг нэгт MIBR-ийг тэнцүүхэн тоглолтын эцэст (13-10) ялж, дараа нь чансаагаараа 12-аар байранд бичигдсэн Францын 3DMAX багийн эсрэг тоглосон. Энэхүү тоглолтод Бразил баг Inferno мап дээр 13-7-гоор ялалт байгуулснаар 2:0 харьцаатай тэмцээнийг тэргүүлж эхлэв. Гурав дахь шийдвэрлэх тоглолтод Legacy домогт "s1mple"-тэй FaZe Clan-ы эсрэг тоглосон. Дахин нэг гайхамшиг тохиож, Бразил баг өрсөлдөгчдөө 2-0 (Mirage дээр 13-7, Dust2 дээр 13-11) харьцаатай ялж, итгэл төгс дараагийн шатанд шалгарлаа. Харин нөгөө талд Virtus.pro баг эхний хоёр тоглолтод (OG-г 13-2, B8-ыг 13-3-аар), гурав дахь тоглолтод paiN Gaming-ийг буулган авснаар мөн л итгэл төгс дараагийн шатанд шалгарав.
3-1 харьцаатай даараагийн шатанд шалгарсан багууд бол paiN Gaming, 3DMAX, FURIA. Энэ гурвын эрхээ авсан тоглолтуудаас хамгийн онцлох тоглолт бол 3DMAX-ийн FaZe Clan-ыг 2-0-ээр хожсон тоглолт байв.
3-2 оноогоор гуравдугаар шатанд шалгарсан багууд бол FaZe Clan, Nemiga, Lynn Vision. Зургаан багийн хувьд гуравдугаар шатны эцсийн тасалбаруудыг хэн авах хувь заяа эцсийн тоглолтуудад шийдэгдсэн. Өдрийн эхний тоглолтод Беларусийн Nemiga Беларус тоглогч "tN1R"-тэй HEROIC багтай тулгарсан. Эхний мап болох Mirage дээр Nemiga 4-8 онооноос эргэн ирж 13-11-ээр ялалт байгуулсан ба хоёр дахь мап болох Dust2 дээр тэд ядах юмгүй ялалт байгуулсан. Өдрийн хоёр дахь тоглолтод үзэгчдийн таамгийн дагуу бол B8 Lynn Vision-ийг ялах ёстой байсан ч эхлээд Хятадууд Украинчуудад Dust2 дээр гэнэтийн бэлэг барьж (13-2), Ancient дээр тэнцүүхэн тоглож (9-13), Anubis дээр, илт илүү ялалт байгуулсан (13-7). Lynn Vision-ий амжилттай дараагийн шатанд шалгарснаар Азийн багууд дараагийн "Мэйжор"-ын 2-р шатанд нэмэлт нэг эрх авах төлөвтэй байна. Өмнөх шатанд Falcons-ийг дуулиантайгаар ялсны дараа MIBR амжилтаа бататгахыг эрмэлзэж байсан ч FaZe Clan-ий өмнө өвдөг сөхрөв. Бразилчууд өөрсдийн сонгосон Anubis дээр "s1mple" болон түүний багийн эсрэг ердөө дөрвөн раунд авсан нь тун муу эхлэл байлаа. Улмаар хоёр дахь мап болох Ancient нэмэлт цагт орсон ч FaZe Clan дөрвөн раунд хялбархан хожиж, тоглолтыг 16-12-оор дуусгасан.
0-3 харьцаатай тэмцээнээс хасагдсан багууд бол OG болон BetBoom. OG баг Virtus.pro-тэй эхний тоглолтод (2-13), мөн хүчирхэг Falcons-тэй шийдвэрлэх гурав дахь тоглолтод 1-2 харьцаатай ялагдсанаар тэмцээнийг өндөрлүүлсэн. Үүнтэй төстэй нөхцөл байдал BetBoom-д тохиолдсон бөгөөд эхний тоглолтуудад илүү хүчирхэг өрсөлдөгчид болох 3DMAX болон Heroic-тэй тулгарсан.
1-3 оноогоор хасагдсан багууд бол Falcons, M80, TYLOO. "NiKo", "m0NESY" болон Team Falcons-ийн шүтэн бишрэгчид уг багийг 3:0 харьцаатай асуудалгүй дараагийн шатанд шалгарна хэмээн таамаглаж байсан нь гарцаагүй. Гэвч Falcons ердөө ганцхан ялалт байгуулж "мэйжор"-оос хасагдсан нь 1xBet-ийн шинжээчдийн хувьд хоёрдугаар шатны хамгийн том дуулиан байв. Falcons-ийн ялагдал B8-аас эхэлсэн бөгөөд тэд эхний тоглолтод дуулиантайгаар 13-8-аар хожигдсон юм. B8 бол Украин тоглогчдоос бүрдсэн нэлээд хүчирхэг Европын баг бөгөөд үндсэн бүрэлдэхүүн нь NAVI академийн төгсөгчдөөс бүрддэг. Үүний дараа Хятадын Lynn Vision баг 13-9-өөр тэдний эсрэг ялалт байгуулснаар Falcons баг маш хүнд нөхцөл байдал орсон. Эцэст нь тэд зөвхөн OG-г (2-1) ялж чадсан бөгөөд MIBR-тэй хийсэн шийдвэрлэх тоглолтод гурван нэмэлт цагийн эцэст ялагдал хүлээсэн. Falcons-ийн ялалт байгуулах магадлал 1.10 байсан бол MIBR-ийн ялалт байгуулах магадлал 7.00 байв.
Одоо тэд бүрэлдэхүүний өөрчлөлтөд орох нь гарцаагүй бөгөөд "Magisk"-ийг сэлгээний суудал руу шилжүүлж, Team Spirit Academy-ийн өөр нэг залуу од "kyousuke"-г авчрах нь тодорхой. Falcons-ийн сэтгэл гонсойлгосон тоглолтын хажууд M80 болон TYLOO багуудын тэмцээнээс хасагдаж буй мэдээ олны анхаарлыг тийм ч их татаагүй. Мөн 2-3 харьцаатай тэмцээнээс хасагдсан багуудыг нэрлэхэд бол B8, MIBR, HEROIC гэх багууд багтаж байна.
Эцсийн хэсгийн шат 2025 оны 6-р сарын 12-нд эхлэх бөгөөд уг шатны төгсгөлд BLAST.tv Austin Major 2025-ын плей-оффын найман баг тодорно. Эхний тоглолтуудын оноолтыг хүргэхэд: Vitality v Legacy, MOUZ v Virtus.pro, Spirit v paiN Gaming, G2 v 3DMAX, The MongolZ v FURIA, Aurora v Faze Clan, NAVI v Nemiga, болон Liquid v Lynn Vision.
1xBet Монгол CS2-ын бүх шүтэн бишрэгчдийг шилдэг багуудын тоглолтуудыг хамтдаа үзэхийг урьж байна.
