Баянхонгор аймгийн “Тэргүүн Богд” дэвжээний наадмын сорилго барилдаан зургаадугаар сарын 29-ний өдөр боллоо. Баянхонгор Баянбулаг сумын харьяат улсын өсөх идэр начин Б.Эрдэнэхүүгийн сэтгэгдлийг хүргэж байна.

Баянхонгор аймгийн “Тэргүүн Богд” бөхийн дэвжээний бөхчүүд Баянхонгор аймагтаа 14 хоног бэлтгэл хийсэн. Зургаадугаар сарын 22-ний өдрөөс “Найрамдал” зуслан бөхийн галын бэлтгэлдээ гарч өнөөдөр наадмын сорилго барилдаанаа хийж байна. Энэ жилийн наадмаар манай галын бөхчүүд цолоо ахиулж, цол авч сайхан наадах байх.

Манай бөхчүүд сайхан өнгөтэй байгаа. Бүгд л жигд сайхан байна. Яг тэр энэ гэж онцлохгүй. Долдугаар сарын 12-ны өдөр бэлтгэлийнхээ дүнд тавиулна даа.

Миний хувьд 19 настайгаасаа үндэсний бөхөөр хичээллэж эхэлсэн. 21 насандаа аймгийн начин цол хүртэж байсан. 2008 онд Эрдэнэтийн наадамд барилдаж 5 даван аймгийн начин цол хүртсэн. Тэр жил бэлтгэл сайн байсан. Ер нь цол авсан наадмын даваа бүхэн сайхан байдаг. Наадам бүхэн надад их тодно ойрхон байдаг.

Аавыгаа дагаад цүнхийг үүрээд явж наадмууд сэтгэлд их ойрхон дотно байдаг. Монгол наадам, гэдэг Монголчуудын өв соёл гэдэг утгаар хүн бүхэн баярлаж, бахархаж, хөөрч явж байдаг.  Монгол хүний цусанд шингэсэн үндэсний бахархал бол Монгол наадам юм.

Нийт Монголчууддаа, түмэн олноороо дэнж хотойтол сайхан наадацгаагаарай.

А.Сүх