Өнгөрөгч бямба гарагт нээлтээ хийсэн "Алтан цом"-ын төлөөх барилдааны үеэр Дархан аварга Н.Батсуурь, Улсын харцага Б.Зоригтбаатар нарын барилдаан олныг талцуулаад байгаа. Тэгвэл энэ тухайд Улсын арслан Ц.Бямба-Отгон дараах зүйлийг хэлжээ. 

Тэрбээр,

"Би Дархан аваргыгаа өмөөрнө. Манай үндэсний бөхийн дэмжигчдийн соёл ямар түвшинд яваа вэ? Энэ бол хэцүү, үнэхээр хэцүү. Та нийгмийн нэг хэсэг гэдгээ бодох хэрэгтэй. Тэгээд баахан хар бараан сэтгэгдэл, пост бичдэг байж, энэ нийгэм их муухай болжээ нтрээ... Үндэсний бөхийн дэмжигчид л соёлжихгүй байна. Залуучууд үздэггүй, сонирхдоггүй гээд яриа байдаг. Тодорхой шүү дээ хэрүүл уруул сонсоод л байж байхыг залуу үе хүсэхгүй шүү дээ. Хэдэн үздэг залуучууд нь харин овоо яаж тэсдэг юм бол доо. Телевизийн лайв үзээд, барилдаанаа нээх үзэхгүй комментыг нь уншаад л байж байдаг хүмүүс байдаг гээд л бод. Нэг орк нь хэрүүл хэдээс эхлэх вэ? гэчихсэн.

Бөхчүүд бол дархан аваргаа шүтэж явдаг даа. Яаж ийм лаг спортын характертай барилддаг юм бэ?, үнэхээр зангарагтай шүү дээ. Бөх бараг мэдэхгүй гарууд аваргын бичлэгийг тавьчихсан, жудаг нтр гэчихсэн. Зоригоо харцагатай хийсэн барилдаан бол үндсэндээ хашлагаас 2 метрийн зайд шийдэгдсэн бол энэ улирлын алтан цомын барилдааны ШИЛДЭГ 5руу орчихно шүү. Аймар, аймар..." гэжээ.

Л.Баяр