Эстадио Сантьяго Бернабеу-д болсон Эль Класико фэнүүдийн хүлээлтээс хол давсан тоглолт болж өндөрлөлөө. Тоглолтын 2 дахь минутад шүүгч Ламине Ямал Винисиус Жуниорт алдаа гаргасан хэмээн торгуулын цохилт оноосон ч VAR шалгасны дараа шийдвэрээ хүчингүй болгосон юм.
Хоёр баг тоглолтын эхнээс хурдтай тоглолтын хэв маягаа бууруулах дургүй байв. Барселона бөмбөг эзэмшлийг өөрсдийн гартаа авч, довтолгоо зохион байгуулахыг хичээсэн бол Реал Мадрид хурдан эсрэг довтолгооны боломжийг хайж байлаа. Шаби Алонсогийн баг 12 дахь минутад төгс төлөвлөгөөгөө хэрэгжүүлэн Килиан Мбаппе гоёмсог цохилтоор хаалганд бөмбөг оруулсан ч миллиметрийн хэмжээний отон тоглолт гэх шалтгаанаар гоол хүчингүй боллоо.
Эцэст нь Мбаппе эхний үеийн дунд хэсэгт Жүд Беллингхэмийн дамжуулалтаар тооны харьцааг нээж чадсан юм. Барсагийн хувьд (1xBet-ын албан ёсны түнш) тоглолт төдийлөн сайн байгаагүй ч Арда Гүлерийн алдааг ашиглан Фермин Лопес тооны харьцааг тэнцүүлэв. Ингэснээр Каталанчууд тоглолтын уур амьсгалыг өөрийн талд эргүүлсэн мэт харагдсан ч эхний үе дуусахын өмнөхөн Беллингхэм дахин гоолдож Реал Мадрид тоглолтын тэргүүллийг дахин авлаа.
Хоёрдугаар үеийн эхэнд Реал Мадрид ялалтаа баталгаатай болгох том боломж олж авсан ч Мбаппе пенальти алдаж, Войцех Шчесни хаалгаа амжилттай манаж чадсан юм. Барселонад тоог тэнцүүлэх хангалттай хугацаа байсан ч тэдний сөрөг довтолгоонууд үр дүнгээ өгөлгүй тоглолт дуусав. Шаби Алонсо тоглолтыг маш ухаалгаар удирдаж, Беллингхэм ба Гүлер байрлалаа байнга сольж, Каталан хамгаалагчдыг төөрөгдүүлж байхад Винисиус ба Мбаппе тэдэнд бөмбөгийг дарамтгүй эзэмших боломж олголгүй байсаар тоглолт өндөрлөсөн.
Зочин багийн дасгалжуулагч Ханси Флик торгуулийн улмаас алсын зайнаас тоглолтыг үзэж байсан энэ үед түүний туслах Маркус Зорг үүргээ төдийлөн сайн биелүүлж чадсангүй. Зарим мөчид тоглогчид талбай дээр хэрхэн байрлал авах ёстойгоо ойлгохгүй байгаа нь илт харагдсан. Талбайн гадна ч сонирхолтой үйл явдлууд өрнөв. Шаби Алонсо тоглолт бүрт жигүүрийн тоглогчдоо солих зуршилтай ч энэ удаа Винисиус Жуниор тун сайн тоглож байсан тул өөрийгөө сэлгэгдэхгүй гэж найдаж байв. Гэвч Алонсо зарчмаасаа ухарсангүй түүнийг сэлгээнд суулгах үед уурласан Бразил довтлогч талбайг орхихдоо “багийг орхино” гэж мэдэгдсэн байна. Хожим нь сэтгэл үйл явдал намжиж, Алонсо тоглогчтойгоо ярилцаж, уг асуудлыг шийдвэрлэхээ амлажээ.
Тоглолт дууссаны дараа ч багахан маргаан гарсан нь тоглогчид бие биетэйгээ түлхэлцэж, Реал Мадридын сэлгээний хаалгач Андрей Лунин улаан хуудас хүртсэн байна.
Эль Класикогийн дараа Реал Мадрид Барселонагаас 5 оноогоор тасарлаа. “Эзэн Хааны клуб” сүүлийн 5 тоглолт дараалан ялалт байгуулж чадаагүй байсан ч энэ удаа заналт өрсөлдөгчөө дийлж, Шаби Алонсо Атлетикод болсон хүнд ялагдлынхаа “өрийг” бүрэн дарлаа.
