2025 оны 10-р сарын 26-нд, Эстадио Сантьяго Бернабеу дахин нэг домогт Эль Класико-г хүлээн авлаа. Дэлхийн 200 гаруй орон даяар сая сая хөлбөмбөгийн фанатууд энэ тоглолтыг үзэж, хоёр багийн тоглогчид дэлхийн хамгийн том тулааны нэгийг нэрийнх нь өндөрт хүргэсэн гайхалтай шоу үзүүлэв. Тоглолт Реал Мадридын 2:1-ийн ялалтаар өндөрлөсөн бөгөөд олон улсын брэнд 1xBet-ийн ивээн тэтгэлэг доор хоёр аварга багийн түүхэн өрсөлдөөн дахин сэргэв.

Реал Мадрид vs Барселона – 0:5 (1974 оны 2-р сарын 16, Ла Лига)

1960 оноос хойш аваргын цомыг хүртэж чадаагүй байсан Барселона тэр улиралд түрүүлэх нь нэгэнт тодорхой болоод байлаа. Шинэхэн тоглогч Йохан Кройфийн гайхамшигт тоглолт фэнүүдийг бишрүүлж, хэвлэлүүд түүнийг магтаалаар булж байв. Гэвч Каталанчуудын хувьд жинхэнэ бэлгэ тэмдэг болох ялалт дутуу байсан бөгөөд тэр өдөр тэд хүссэнээ авсан юм. Хуан Мануэль Асенсигийн хоёр гоол, Кройф, Хуан Карлос, Хуго Сотил нарын оруулсан бөмбөгүүд Бернабеугийн үзэгчдийг үг дуугүй болгосон.

Реал Мадрид vs Барселона – 5:0 (1995 оны 1-р сарын 6, Ла Лига)

Мадридынхан өмнөх улиралд Камп Ноу-д 0:5-аар бут ниргүүлсний хорсолтойгоор энэ тоглолтод бэлдэж ирсэн. Йохан Кройфийн “Мөрөөдлийн баг” аль хэдийн задарч эхэлсэн байв. Хариугаа авах мөч ирж, Реал хүчирхэг өрсөлдөгчөө бут цохисон юм. Ивaн Саморано хет-трик хийж, Хосе Аависка болон ирээдүйн Барселонагийн домог болох Луис Энрике тус бүр нэг гоол нэмжээ. Сонирхолтой нь, Майкл Лаудруп нэг жилийн дотор хоёр өөр багийн бүрэлдэхүүнд 5:0-ийн ялалт байгуулсан анхны тоглогч болсон.

Барселона vs Реал Мадрид – 2:0 (2000 оны 10-р сарын 21, Ла Лига)

Энэ тоглолтод үр дүн биш, харин тоглолтын уур амьсгал уг тоглолтыг маш онцгой болгосон. Луис Энрике, Симао нарын гоол ялалтыг авчирсан ч, бүх анхаарал нэг л хүнд төвлөрч байсан нь Луиш Фиго. Барселонагаас Реал руу шилжсэн тэрбээр Каталанчуудын нүдэнд урвагч болсон байв. Үзэгчид түүнийг буруутгаж, бүр талбай руу шарсан гахайн толгой хүртэл шидэж байв.

Барселона vs Реал Мадрид – 5:0 (2010 оны 11-р сарын 29, Ла Лига)

“Цагаан хөвгүүд” хэдэн зуун сая еврогийн хөрөнгө оруулж, Жозе Моуриньог дасгалжуулагчаар авчирсан ч Барсагийн төгс тоглолтын өмнө хүч мөхөсдөв. Реал тэнцвэртэй тоглолт үзүүлэх гэж оролдсон ч Моуриньогийн тактик бүрэн нурж, Давид Вилья (2), Хави, Педро, Жеффрен нарын гоол Барселонагийн давамгайллыг баталгаажууллаа. Энэ тоглолтыг олон шинжээч “Барселонагийн алтан үеийн оргил мөч” хэмээн нэрлэдэг.

Реал Мадрид vs Барселона – 0:2 (2011 оны 4-р сарын 27, Аваргуудын лигийн хагас шигшээ)

Реал Мадрид хамгаалалт ба эсрэг довтолгоонд тулгуурласан тоглолтыг таашаадаггүй ч Барсагийн эсрэг ялалт авах хүсэл илүү хүчтэй байв. Копа дель Рейн шигшээд ялсан дараахан тэд дахин тулсан ч бүх зүйл буруугаар эргэв. Пепе улаан хуудас авч, Реал 10 хүнтэй үлдсэнээр тоглолтын хяналтаа алдсан. Лионель Месси хоёр гоол оруулсны сүүлийнх нь бүх хамгаалагчдыг ардаа орхин хаалганд бөмбөг оруулсан домогт гоол дэлхийн хөлбөмбөгийн түүхэнд үүрд бичигдэн үлдсэн. Тоглолтын дараа Жозе Моуриньо хэвлэлийн бага хурал дээр “¿por qué?” (“яагаад?”) хэмээн дахин дахин хэлж, тэр мөч өөрөө Эль Класикогийн түүхийн нэг хэсэг болсон юм.

Эдгээр тоглолтууд бол зөвхөн хоёр багийн өрсөлдөөн биш, харин философи, бахархал, түүх, сэтгэл хөдлөлийн тулаан байсаар ирсэн. Эль Класико бол зүгээр нэг тоглолт биш, хөлбөмбөгийн түүхийг бичдэг мөчүүдийн цуглуулга юм.