Энэ улиралд Азийн Counter-Strike багууд дэлхийн и-спортын тавцанд сенсаци тарив. 1xBet Монголын албан ёсны түнш The MongolZ дэлхийн чансааг тэргүүлж эхэлсэн бол TYLOO нэр хүндтэй FISSURE Playground #1 тэмцээнд түрүүлж, Lynn Vision BLAST.tv Austin Major 2025-ийн хоёр шатыг хоёуланг нь даван шуугиан тарьсан. Ийм нөхцөлд Хятадад болох том хэмжээний тэмцээн нь CS2-ийн бүс нутгийн алдартай байдлыг улам бататгаж, шинэ үзэгчдийг татах хамгийн тохиромжтой боломж юм.
IEM Chengdu 2025 энэ жил 11-р сарын 3-аас 9-ний хооронд зохион байгуулагдана. Шагналын сан нь 1,000,000 ам.доллар, мөн түрүү баг ESL Grand Slam-ийн жагсаалтад нэмэлт 1 оноо авна. Тэмцээний эхний шатанд оролцогчдыг 8, 8-аар нь хоёр хэсэгт хуваана. Double-elimination форматаар тоглож, хэсэг бүрээс эхний 3 баг плей-оффт шалгарна. Хэсгийн ялагч шууд хагас шигшээд, 2 ба 3-р байрны багууд шөвгийн 8-аас эхэлнэ.
IEM Chengdu 2025 зохион байгуулагчид энэ удаад урьдчилсан шалгаруулалт хийхгүй, харин Valve-ийн наймдугаар сарын чансаан дээр үндэслэн дэлхийн шилдэг багуудыг шууд урьсан ба эдгээр багуудыг нэрлэхэд: Team Vitality, Team Spirit, FURIA, paiN Gaming, The MongolZ, TYLOO, MOUZ, NAVI, Team Falcons, FaZe Clan, Astralis, G2 Esports, 3DMAX, Lynn Vision, Virtus.pro болон HEROIC нар юм.
Бараг бүх дэлхийн Топ-20 баг Хятад улс руу ирж байна гэж хэлж болно. Харин Aurora Gaming болон GamerLegion хоёр урилгыг татгалзаж, удахгүй болох major-даа бэлтгэхээр PGL Masters Bucharest 2025-ийг сонгосон.
Урилгууд илгээгдсэнээс хойш дэлхийн CS2-ийн хүчний харьцаа нэлээн өөрчлөгдсөн. Шинэ мэдээлэл дээр үндэслэн 3 гол фаворитыг онцолъё.
Team Vitality
2025 оны эхний хагаст 7 цом авсан ба BLAST.tv Austin Major 2025-ийг хүртсэн. Хэдийгээр сүүлийн саруудад эрч нь бага зэрэг сулраад байсан ч ESL Pro League Season 22-д дахин түрүүлсэн нь тэдэнтэй тооцоо хийхэд эрт байгааг батлав. Хэрэв бүлгээс гараад лигийн шатанд хүрвэл тэд аваргад хүрэх маш өндөр боломжтой.
The MongolZ
Тэмцээнээс хоёр долоо хоногийн өмнө шинжээчдийн дийлэнх нь “түрүүлнэ” гэж үзэж байсан баг. Гэхдээ яг өмнөхөн нь тэдний шилдэг тоглогч Senzu түр завсарлага авах шийдвэр гаргасан. Түүний оронд Chinggis Warriors-ийн controlez тоглоно. Хэрэв сэтгэлзүйн хувьд тогтвортой байж чадвал The MongolZ хүссэн багтайгаа таарч ялж чадна.
FURIA
Латви тоглогч YEKINDAR, Казахстаны molodoy нараас хойш баг уг баг маш амжилттай байгаа. 34 настай ахлагч FalleN зодог тайлах бодлоо өөрчлөв. FURIA FISSURE Playground #2-д түрүүлсэн бөгөөд одоо Vitality-г ардаа орхин дэлхийн чансааг тэргүүлж байна.
