Монголын Волейболын шигшээ багийн тамирчин ОУХМ Б.Батсуурь саяхан Энэтхэгийн дээд лигийн шилдэг багуудын нэг "Ahmedabad Defenders" багт тоглож, шилдэг тоглогчоор шалгарч байсан юм. Тус лигт ОУХМ Б.Батсуурь сайн тоглолтоо үзүүлж Энэтхэгийн лигт довтолгоогоор 50 оноо авч тэргүүлж байсан. Тэрбээр тэмцээнээ амжилттай өнгөрүүлэн эх орондоо ирээд удаагүй байгаа билээ.

Тэгвэл Б.Батсуурь өнгөрсөн лхагва гарагт болсон Монголын волейболын дээд лигийн “SG HAWKS" болон “DARKHAN MOGULS” багуудын тоглолтод оролцжээ.Дээд лигийн энэ улиралд Б.Батсуурь “SG HAWKS" багийн ахлагчаар ахин тоглохоор болсон аж. Япон Улсын дасгалжуулагч Кожи Цүзүрабара энэ улирал "SG HAWKS" багийг удирдахаар болсон.