The MongolZ баг IEM Chengdu тэмцээний Плей-Офф шатанд Heroic, Pain болон Spirit багуудыг буулган авч шалгарсан боловч уг тэмцээний аваргаар шалгарсан Furio багийн эсрэг 2:0 харьцаатай ялагдал хүлээсэн. Мөн үүнээс гадна багийн гол тоглогчдын нэг болох Senzu буюу М.Азбаяр багийн идэвхтэй бүрэлдэхүүнээс гарсан нь Counter Strike 2 тоглоомын сонирхогчдын ярьж буй хамгийн гол сэдвүүдийн нэг болоод байгаа юм. 

Senzu-г орлож багт түр хугацаагаар нэгдээд буй Controlez буюу Б.Өнөдэлгэр нь IEM Chengdu тэмцээний хэсгийн шатанд 1.09 гэх үнэлгээтэй маш сайн тоглолтуудыг үзүүлсэн. Түүний тухай Techno: Тэр үнэхээр хөгжилтэй нэгэн. Chinggis Warriors болон хуучин The MongolZ багуудад тоглож байсан болохоор арвин их туршлагатай. Тэр манай багт маш сайн дасан зохицож чадна” гэж хэлсэн.

1хBet-ын спонсорлодог The MongolZ багийн тоглогч Techno4k буюу М.Содбаярын IEM Chengdu тэмцээнд оролцож байх үедээ HLTV-д өгсөн ярилцлагыг орчуулан хүргэж байна. 

-Spirit-ийг хожиж Плей-офф шатанд гарлаа, энэ хэмжээний үр дүнг та урьдчилан таамаглаж байсан уу?

-Мэдээж бид өөрсдөдөө итгэлтэй байсан. Хэдийгээр Senzu байхгүй ч гол дөрвөн тоглогч болон дасгалжуулагч маань хамт байсаар байгаа тул The MongolZ баг хүчтэй хэвээрээ. Энэхүү тэмцээнд оролцож Плей-офф шатанд шалгарсандаа байгаадаа үнэхээр сайхан байна. Хүмүүс манай багийн шинэ тоглогчийн сонголт дээр бага зэрэг эргэлзэж байсан байх. 

-Та “магадгүй хүмүүс эргэлзэж байсан” гэлээ, харин өөрөө эргэлзсэн үү?

-Мэдээж үгүй. Гэхдээ бид эхний 2 тоглолтоо дасгалжуулагчгүй тоглосон. Дасгалжуулагчийн үр нөлөө хэр их гэдгийг та бүхэн харсан байх. Бид өчигдөр Astralis-тай үнэхээр муу тоглосон. Гэхдээ бид өнөөдөр алдаагаа засаж чадлаа.

-Spirit багийн эсрэг тэдний сонгосон Dust2 дээр ноёрхож, Ancient дээр нэмэлт цаг дээр 910 1:2 байдлаас ялалт авсан их өрсөлдөөнтэй тоглолт байлаа. Танд юу бодогдож байсан бэ?

-Бид Ancient дээр T side эхэнд маш олон round алдсан. Миний хувьд энэ нь уг мапыг алдахад маш их нөлөөлсөн. 910-ын 1:2 бол заавал авах ёстой чухал раунд байсан. Уг раундыг авсан ч эцэст нь Ancient дээр маш олон алдаа гаргасан тул хожигдсон.

-Гэхдээ сүүлийн мап дээр та нар ялалт байгуулсан. Mirage дээр ялалт байгуулаад Плей-офф шатанд шалгарахад ямар санагдсан бэ?

-Хэрвээ зөв санаж байвал бид сүүлийн үед Mirage дээр нэг ч хожил аваагүй (инээв). Бид энэ мапыг үргэлж сайн эхлүүлдэг ч эцэст нь хожигдож дууссаар байсан. Тийм болохоор Mirage дээр хожсондоо үнэхээр баяртай байна.

-Controlez-тэй тоглож байгаа нь ямар санагдаж байна? Түүний багт оруулж буй нөлөөний талаар?

-Бид ердөө 3-4 өдөр л хамтдаа бэлтгэл хийсэн. Энэ тэмцээний өмнө бид 2–3 хоног ZOWIE Эвент дээр компьютергүй байсан. Тиймээс үнэндээ бэлтгэл хийх боломж бараг олдоогүй. Controlez–ын тухай хэлэхэд тэр үнэхээр хөгжилтэй хүн (инээв). Мөн тэрбээр манай багийн одоо бараг хамгийн настай нь (инээв). Тэр Chinggis Warriors болон хуучин The MongolZ багуудад тоглож байсан болохоор маш туршлагатай. Тэр манай багт хурдан дасан зохицож чадна.

-Senzu-гийн нөхцөл байдлын тухай? 

-Bи Senzu-гийн нөхцөл байдлын талаар үнэхээр сайн мэдэхгүй байна. Бүх зүйлс гэнэт болоод өнгөрсөн. Би юу ч мэдэхгүй. Гэхдээ тэр одоо ч миний болон Мzinho-гийн найз хэвээр.