2025 оны аравдугаар сарын 22-нд, IEM Chengdu 2025 тэмцээн эхлэхээс ердөө арав гаруй хоногийн өмнө The MongolZ баг бүрэлдэхүүндээ гэнэтийн өөрчлөлт оруулсан нь олон хүнийг гайхшруулсан. Зуны завсарлагаас хойш багийнхаа хамгийн өндөр рейтингтэй (1.11) тоглогч байсан Senzu буюу М.Азбаяр сэлгээнд суусан тухай мэдээлэл тарсан.

Баг болон тоглогчид бүрэлдэхүүндээ хоёр жилийн дараа өөрчлөлт оруулсан шалтгаанаа дэлгэрэнгүй тайлбарлаагүй бөгөөд энэ нь тоглогчийн гүйцэтгэл муугаас болсон зүйл биш гэдэг нь тодорхой байлаа. Senzu-гийн багийг орхисон шалтгааны талаар цахим орчинд олон хувилбар тархсан бөгөөд тоглох сонирхол буурсан, ESL Pro League S22-ийн үр дүнгээс болж урам хугарсан, эсвэл хувийн нөхцөл байдал гэх мэт яриа бий ч албан ёсны тайлбар одоо ч гараагүй хэвээр байна.

Senzu багийг орхисны дараа олон улсын компани 1xBet-ийн ивээн тэтгэдэг The MongolZ баг улирлын төгсгөл хүртэл гурван томоохон тэмцээнд тоглох хуваарьтай байв. Эдгээр нь IEM Chengdu 2025 (11-р сарын 3–9), BLAST Rivals Fall 2025 (11-р сарын 12–16), болон улирлын хамгийн чухал тэмцээн болох StarLadder Budapest Major 2025 (11-р сарын 24 – 12-р сарын 14) юм. Ийм шахуу хуваарьтай үед баг сэлгээг богино хугацаанд үр дүнтэй хийх шаардлагатай тулгарсан.

Шинэ тоглогчийг сонгохдоо The MongolZ эхлээд академи багаасаа залуу тоглогч дэвшүүлэх боломж байсан ч Major тэмцээний ач холбогдлыг бодолцон туршлагатай тоглогч илүү тохиромжтой гэж үзсэн. Бүрэлдэхүүн дан Монгол тоглогчдоос бүрддэг тул тэд хамгийн топ хоёр баг болох The Huns Esports болон Chinggis Warriors-ийн тоглогчдоос сонголтоо хийх шаардлагатай болсон. Эдгээр нөхцөл байдлуудыг харгалзан үзэж багийн удирдлага Chinggis Warriors-оос controlez буюу Б.Өнөдэлгэрийг сонгожээ.

The MongolZ-ийн шинэ бүрэлдэхүүний анхны томоохон туршилт нь $1,000,000 шагналын сантай, ESL Grand Slam цувралын нэг хэсэг болох IEM Chengdu 2025 байлаа. Тиймээс баг энэхүү тэмцээнд сайн тоглох нь туйлын чухал байсан. Эхний тоглолт HEROIC-ийн эсрэг таатай өрнөж, The MongolZ Overpass-ийг (10:13) алдсан ч Inferno (13:6), Ancient (13:5) дээр хялбар ялалт байгуулсан. Controlez анхны тоглолтдоо гайхалтай байж, 1.20 рейтинг, 49/35 K/D-тайгаар багтаа хоёрдугаар өндөр үзүүлэлт үзүүлсэн. Харин дараагийн тоглолт Astralis-ийн эсрэг тун ойрхон өрнөж (11:13, 8:13) хожигдсон бөгөөд тэр цувралд багийн 4 тоглогч рейтинг 1.0-аас доош байсан.

Доод шатанд унасны дараа The MongolZ-д бүх тоглолтдоо хожил байгуулах шаардлагатай болж, дарамт нэмэгдсэн цаг мөчид тэд маш сайн сэргэн тоглож paiN Gaming-ийг 2-1-ээр хожсон. Тэр тоглолтод controlez багийн хамгийн шилдэг тоглогчоор тодорч, 1.24 рейтинг, 50/47 K/D үзүүлсэн. Үүний дараа The MongolZ тэмцээний хамгийн том сенсацыг хийж, гол фаворит Team Spirit-ийг буулган авч плей-оффд шалгарсан. Dust2 дээр (13:7) ялж, Ancient дээр нэмэлт цагт (16:19) дийлдсэн ч Mirage дээр (13:6) ялалт байгуулсан. Controlez энэ цувралд багийн гурав дахь өндөр рейтингтэй (1.12, 47/51 K/D) тоглож, шилдэг тоглолтоо үргэлжлүүлсэн.

Гэвч тэмцээний дараагийн шатанд The MongolZ FURIA-той таарч 0-2-оор хожигдсон. Controlez энэ цувралд багийн гурав дахь өндөр рейтингтэй байсан. Улмаар FURIA дараа Falcons-ийг 2-0-оор, аваргын төлөөх тоглолт дээр дээр Vitality-г 3-0-оор бут ниргэж, IEM Chengdu 2025-ийн аварга болсон.

IEM Chengdu 2025 тэмцээнд The MongolZ нийт 3 ялалт (HEROIC, paiN Gaming, Spirit), 2 хожигдол (Astralis, FURIA)-той, 16 багаас 5–6-р байрт орж, $12,500-ыг хүртсэн. Багийн тоглогчдын дундаж үзүүлэлтээс харахад AWPer 910-той мөр зэрэгцэн controlez 1.06 рейтингтэй, үндсэн гурван тоглогч болох Techno4K, mzinho, bLitz-ээс илүү амжилттай тоглож чадсан нь шинээр ирсэн тоглогчийн хувьд үнэхээр сайн амжилт байв.

IEM Chengdu 2025 дууссанаас ердөө гурав хоногийн дараа Хонконг хотод BLAST Rivals Fall 2025 эхэлсэн бөгөөд The MongolZ уг тэмцээнд оролцсон. Passion UA-ийн эсрэг эхний тоглолт маш хүнд өрнөсөн. Overpass дээр (16:14) ялахдаа нэмэлт цаг руу орсон бөгөөд хоёр дахь болон гурав дахь мап дээр (11:13, 11:13) харамсалтайгаар хожигдсон. Гэхдээ controlez 1.05 рейтинг, 55/53 K/D үзүүлэлттэй дахин багийн шилдгүүдийн нэг байсан. Харин Spirit-ийн эсрэг жасагдах шатны тоглолт дээр өрсөлдөгч Дust2 (13:6), Ancient (13:10)-ийг хожиж, The MongolZ тэмцээнээс хасагдсан ч controlez 1.25 рейтинг, 34/35 K/D үзүүлэлттэйгээр багийн хамгийн өндөр амжилтыг үзүүлсэн.

BLAST Rivals Fall 2025-д The MongolZ гурван өдрийн өмнөх амжилтаа давтаж чадалгүй, 0 ялалт, 2 хожигдол авч, 8 багийн дундаас 7–8-р байрт орсон ч тоглогчдын үзүүлэлтээс харахад controlez багийн хамгийн өндөр рейтингтэй (1.11) тоглогч болсон нь түүний үнэ цэнийг бүр ч баталсан.

Эдгээр хоёр том тэмцээний дараа controlez богино хугацаанд багийнхаа амин чухал нэг хэсэг болж, гүйцэтгэлээрээ The MongolZ-д яг хэрэгтэй байсан сэлгээ гэдгээ бүрэн харуулж чадлаа. Хэрэв тэр StarLadder Budapest Major 2025 дээр энэ түвшнээ хадгалж чадвал олон улсын брэнд 1xBet-ийн түнш The MongolZ баг улирлын хамгийн том тэмцээнд плэйоффт шалгарах төдийгүй анхны major аваргаа хүртэх бүрэн боломжтой юм.