Олон улсын 1xBet брэндийн албан ёсны түнш болох Барселонагийн түүхэн өрсөлдөгч, Эспаньол клуб дэлхийн хөлбөмбөгийн ертөнцөд 1900 онд нэгдсэн. Багийг Барселонагийн их сургуулийн оюутан Анхел Родригез байгуулсан бөгөөд тэрээр багийнхаа анхны тоглогч мөн ахлагч байв. Удалгүй Англид уг спортын нэр хүнд өсөж байсан тул түүний багт сургуулийн хэд хэдэн оюутан нэгдсэн юм.

1912 онд хаан 13-р Алфонсо Каталоны клубыг ивээлдээ авч, лого дээрээ титэм байрлуулах эрх олгосон. Ийнхүү уг баг өнөөгийн Реал Клуб Депортиво Эспаньол гэх нэрийг авчээ.

Түүхийн уртад цэнхэр-цагаанууд Каталоны аварга шалгаруулах тэмцээнд есөн удаа түрүүлж, Эзэн Хааны цомыг дөрвөн удаа өргөсөн. Клубын домогт тоглогчдын тоонд агуу хаалгач Рикардо Замора, алдарт довтлогчид Раул Тамудо, Серхио Гарсиа, мөн авьяаслаг хагас хамгаалагч Иван Де Ла Пена багтдаг.

Каталоны багийг удирдаж буй өнөөгийн дасгалжуулагч Маноло Гонзалез Испанийн хөлбөмбөгийн оргилд хүрэх урт замыг туулсан. Тэрбээр Монтанеса, Бадалона, Эбро, Пенья Депортива зэрэг доод лигийн клубүүдэд туршлага хуримтлуулж байх үедээ 2018 он хүртэл Маноло гэр бүлээ тэжээхийн тулд автобусны жолоочоор хагас цагаар ажилласаар байсан.

Тэрбээр нэгэн удаа:
“Би таван цагт босоод автобусаа хөлөглөнө, дөрвөн цагт ажлаа дуусгаад галт тэргэнд амжиж суух гэж гүйдэг байлаа. Орой найман цагийн үед гэртээ очно. Миний амьдрал үргэлж дардан байгаагүй” хэмээн ярьжээ.

2024 оны хавар Гонзалес жинхэнэ том боломжоо гартаа атгасан нь Эспаньолийн эхний багийн ахлах дасгалжуулагчаар томилогдсон үе байв. Түүний удирдлага дор баг мэдэгдэхүйц өөрчлөгдөж, гайхалтай амжилт гаргаж эхэлсэн. Цэнхэр-цагаанууд Сегунда дивизионий сүүлийн үлдсэн 12 тоглолтод ганц ч хожигдолгүй, эцэст нь 4-т жагссан.

Плейоффын хагас шигшээд баг Спортинг Хихоныг ганц гоолоор буулган авч, финалд Овьедог нийлбэр дүнгээр 2:1-ээр ялж, дээд дивизионд эргэн ирсэн. Гэвч энэ бол зөвхөн эхлэл байлаа.

Одоо үргэлжилж буй Ла Лигийн улиралд Эспаньол үнэхээр хүчтэй тоглож байна. Эхний 10 тоглолтдоо тэд зөвхөн Реал Мадрид болон Реал Бетист л ялагдсан. Үүний дараа Алавес, Вильярреалд дийлдсэн ч баг Европын тэмцээний бүсийн төлөө өрсөлдөх бүрэн боломжтой хэвээр.

Маноло Гонзалес сүүлийн нэг хагас жилийн хугацаанд багийн хамгаалалтыг илүү нягт болгож, бөмбөг хяналт сайжруулж, жигүүрийн тоглолтыг илүү идэвхтэй болгож чадсан. Туршлагатай зүүн жигүүрийн тоглогч Пере Милла энэ улиралд аль хэдийн дөрвөн гоол оруулсан бол ахмад хамгаалагч Леандро Кабрера хамгаалалтын шугамд дахин сэргэж байна.

Хэрэв тэд одоогийн хэмнэлээ хадгалсаар байвал Аваргуудын лигийн бүсийн төлөө ч тэмцэх боломжтой. Европын хамгийн нэр хүндтэй клубийн тэмцээнд оролцох нь багийн санхүүг эрс сайжруулж багийн тоглолгчдод илүү боломж нээх болно.

Аравдугаар сарын дунд үед Каталоны клуб шинэ эзэнтэй болж буйгаа зарлаж Эспаньолийг АНУ-ын бизнесмен Алан Пэйс худалдан авсан бөгөөд тэрбээр Английн Бөрнли клубын эзэн юм. Шинэ удирдлагууд өрийг бууруулж, багийг бэхжүүлэхийн тулд тууштай ажиллахаа амласан. Пэйсийн зорилго, амбиц асар их тул түүний Маноло Гонзалестай хамтарсан ажил хэрхэн өрнөх нь хамгийн сонирхолтой сэдэв болно.